BAKI, 1 aprel — Sputnik. Ukrayna Silahlı Qüvvələri tərəfindən Belqoroddakı neft bazasına endirilən hava zərbəsi Rusiya ilə Ukrayna arasında "danışıqların davam etdirilməsi üçün rahat şərait" yaratmır. Sputnik Azərbaycan xəbər verir ki, bunu Rusiya Prezidentinin köməkçisi Dmitri Peskov deyib.
O bildirib ki, Moskva Qərbdəki quldurların qanuni əmlakı ələ keçirmək istəyini müşahidə edir:
"Rusiya şirkətlərinin milliləşdirilməsi ideyası isə yaxşı heç nə vəd etmir. Ukraynada keçirilən xüsusi əməliyyat zamanı Rusiya Silahlı Qüvvələrinin hava məkanındakı üstünlüyü danılmaz faktdır".
"Rusiya lideri Vladimir Putin Qərb liderləri ilə söhbəti zamanı qaz ilə bağlı ödənişlərinə aid yeni sxemi də ümumi olaraq təsvir edib. Kreml tərəfindən hətta Almaniyanın "Qazprom" və "Rosneft"in törəmə şirkətlərinin milliləşdirilməsi məsələsinin öyrənilməsi də qəbuledilməz qarşılanıb. Alıcılar aprelin 1-dək rubl ilə ödənişi təsdiqləməsələr, Rusiya qazın nəqlini dayandırmayacaq. Gələcəkdə qazın rublla tədarükü ilə bağlı qərar ləğv oluna bilsə də, indiki vəziyyətdə bu, Rusiya Federasiyası üçün ən etibarlı variantdır", - deyə Peskov bildirib.
"Ukraynadakı vəziyyəti müzakirə etmək üçün altı ərəb ölkəsinin xarici işlər nazirlərindən ibarət nümayəndə heyəti gələn həftə Moskvaya səfər edəcək. Vladimir Putin və Rusiya Prezidentinin administrasiyası Ərəb Dövlətləri Liqasının nümayəndə heyəti ilə heç bir təmas planlaşdırmır", - deyə Peskov əlavə edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.