BAKI, 30 mart — Sputnik. Şəki şəhərində altı ailənin yaşadığı birmərtəbəli evdə yanğın olub.
Fövqəladə Hallar Nazirliyinin mətbuat xidmətindən Sputnik Azərbaycan-a verilən məlumata görə, yanğın şəhərdə bir dam altında tikilən altı ailənin yaşadığı birmərtəbəli evdə qeydə alınıb.
Belə ki, ümumi sahəsi 72 kvadratmetr olan evin yanar konstruksiyaları 22 kvadratmetr sahədə və dam örtüyü, ümumi sahəsi 54 kvadratmetr olan ev 32 kvadratmetr sahədə və dam örtüyü, ümumi sahəsi 82 kvadratmetr olan ev 57 kvadratmetr sahədə və dam örtüyü, ümumi sahəsi 49 kvadratmetr olan ev, ümumi sahəsi 68 kvadratmetr olan ev və ümumi sahəsi 75 kvadratmetr olan evin yanar konstruksiyaları yanıb.
Evlərin qalan hissəsi və yaxınlıqdakı digər evlər yanğından mühafizə olunub.
Alov yanğından mühafizə bölmələri tərəfindən söndürülüb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.