BAKI, 30 mart — Sputnik. Rusiya Müdafiə Nazirliyi Ukraynadakı son vəziyyətlə bağlı məlumat yayıb. Sputnik Azərbaycan xəbər verir ki, Rusiya Silahlı Qüvvələri yüksək dəqiqlikli havadan buraxılan raketlərlə Donbassdakı Ukrayna qoşunlarının zirehli texnikasını yanacaq ilə təmin edən Starokonstantinov və Xmelnitski rayonlarında yerləşən iri yanacaq anbarlarını məhv edib.
Son sutka ərzində " İsgəndər" raketləri ilə Donetsk vilayəti Kamenkada iki böyük raket və artilleriya silahı anbarı məhv edilib. Ukrayna-Belarus sərhədi yaxınlığında, Tümen yaxınlığındakı Rivne vilayətində Ukrayna Hərbi Hava Qüvvələrinə məxsus Su-24 təyyarəsi hava döyüşü zamanı vurulub.
Ötən sutka ərzində operativ-taktiki aviasiya və raket qüvvələri tərəfindən Ukraynanın 64 hərbi obyektinə zərbə endirilib. Rusiya hava hücumundan müdafiə qüvvələri ilə bir sutka ərzində İzyum, Nova Kaxovka, Donetsk, Nikolaev, Berdyansk, Qorlovka, Luqansk və Rubijne bölgələrində Ukraynanın 10 pilotsuz təyyarəsi məhv edilib. Ümumi olaraq əməliyyat başlayandan indiyədək Ukraynaya məxsus 124 təyyarə və 77 helikopter, 214 hava hücumundan müdafiə sistemi, 321 PUA, 1752 tank və digər zirehli texnika, 184 MLRS qurğusu və 734 silah-sursat məhv olunub.
Ukraynada nə baş verir
Xatırladaq ki, Rusiya fevralın 24-də Ukraynada xüsusi hərbi əməliyyata başlayıb.
Prezident Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" kimi ifadə edib.
Bunun üçün, onun sözlərinə görə, "Ukraynanın demilitarizasiyası və denasifikasiyası"nın həyata keçirilməsi, Donbassda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.
Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir.
V.Putin vurğulayıb ki, Rusiya Silahlı Qüvvələrinin dəstəyi ilə "DXR" və "LXR" qrupları hücumu inkişaf etdirir, lakin Ukraynanın işğalından söhbət getmir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.