BAKI, 29 mart - Sputnik. "Polşa Rusiya ilə münasibətləri pozmaqla məşğuldur. Digər məsələlərlə yanaşı, həmçinin Rusiya səfirinin Varşavadan çıxarıla biləcəyi barədə danışılarla da". RİA Novosri xəbər verir ki, bunu Rusiya Xarici İşlər Nazirliyinin nümayəndəsi Mariya Zaxarova deyib.
"Bu, sadəcə, de-yure və de-fakto rəsmiləşdirilmədən ikitərəfli münasibətlərin məhv edilməsidir. Bu cür bəyanatlar yalnız rusofobiyanın həddən artıq çox olması və bizim çoxdan qalaqlanıb qalmış problemlərlə izah oluna bilər", - deyə Zaxarova brifinqdə Varşavada səfirin çıxarılması ilə bağlı bəyanatları şərh edərkən bildirib.
Zaxarova onu da bildirib ki, Polşanın Rusiyaya qarşı düşmənçilik hərəkətlərinin heç biri cavabsız qalmayacaq.
“Burada diplomatiyada məlum olan qarşılıqlılıq prinsipi işləyir, biz buna əl atırıq. Və hazırda yaranmış vəziyyət də istisna olmayacaq, eyni prinsiplə hərəkət edəcəyik: Polşanın düşmən təcavüzlərinin heç biri cavabsız qalmayacaq”, - Zaxarova Moskvada keçirdiyi brifinqdə bildirib.
Qeyd edək ki, bazar ertəsi məlum olub ki, Polşanın ölkədən çıxarılmasında israr etdiyi 45 rusiyalı diplomat ölkəni tərk edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.