"Oskar-2022"nin ən yaddaqalan anları və qalibləri

BAKI, 28 mart — Sputnik. Los-Ancelesdə Amerika Film Akademiyasının 94-cü "Oskar" mükafatının təqdimetmə mərasimi keçirilib. Keçən il pandemiya məhdudiyyətlərinə görə təşkilatçılar alternativ axtarmaq məcburiyyətində qalıblar, ancaq bu dəfə hər şey əvvəlki kimi oldu: kinoteatr, qırmızı xalça və təbii ki, ən zərif və yaraşıqlı ulduzlar.

1 / 16

Los-Anceles şəhərinin Hollivud rayonunda 94-cü "Oskar" mükafatının təqdimetmə mərasimi.

2 / 16

Aktyor Vill Smit "Kral Riçard" filmindəki roluna görə qızıl heykəl alıb. Bu, onun ilk "Oskar" mükafatıdır.

3 / 16

Ancaq təntənəli məqam Villin şöhrət anından əvvəl baş vermiş hadisənin kölgəsində qalıb. Çünki komediya ustası Kris Rokun uğursuz və hətta kobud zarafatına görə aktyorun onunla münaqişəsi baş verib.

4 / 16

Kris Villin həyat yoldaşı Jada Pinkett-Smit-i "Əsgər Ceyn 2" adlandırıb. Bu sözlər aktyoru hiddətləndirib, çünki həyat yoldaşı saç tökülməsinə səbəb olan sindroma görə belə saç düzümü etməyə məcbur olub. Bu səbəbdən Smit səhnəyə çıxaraq həmkarına şillə vurub.

5 / 16

Smit həmkarına şillə vurur.

6 / 16

"Ən yaxşı film" nominasiyasına "CODA: Kar valideynlərin uşağı" filmi layiq görülüb. Aktyorlar və çəkiliş qrupu "Oskar" mərasimində ən yaxşı film mükafatını qəbul edirlər.

7 / 16

Uma Turman (soldan sağa), Samuel L.Cekson və Con Travolta "Oskar" mərasimində ən yaxşı aktyor roluna görə mükafat təqdim edirlər.

8 / 16

Aktrisa Cessika Çesteyn ("Temmi Feyin gözləri") ən yaxşı qadın roluna görə "Oskar" qazanıb.

9 / 16

Troy Kotsur "CODA: Kar valideynlərin uşağı" filmindəki işinə görə "Ən yaxşı ikinci plan aktyoru" nominasiyasını qazanıb. Ən yaxşı ikinci plan aktyoru Troy Kotzur "Oskar" ilə poz verir.

10 / 16

Entoni Hopkins Hollivudda keçirilən 94-cü "Oskar" mükafatı mərasimində ən yaxşı qadın roluna görə mükafatı təqdim edir.

11 / 16

Billi Eyliş və Finneas O'Konnell ən yaxşı orijinal mahnıya görə qazandıqları "Oskar"ları ilə poz verirlər.

12 / 16

Vill Smit 94-cü "Oskar" mükafatı mərasimində "Kral Riçard" filmindəki ən yaxşı kişi roluna görə "Oskar" qazanıb.

13 / 16

Kennet Brana "Belfast" filminin ən yaxşı orijinal ssenarisinə görə "Oskar" ilə poz verir.

14 / 16

Aktrisa Cessika Çesteyn "Oskar" mükafatına layiq görülüb.

15 / 16

Al Paçino Hollivudda keçirilən 94-cü "Oskar" mükafatı mərasimində.

16 / 16

Oskar heykəli Hollivudda keçirilən 94-cü "Oskar" mükafatı mərasimində.

Gecənin aparıcıları Emi Şumer, Vanda Sayks və Regina Hall olub. Ancaq gecənin əsas qaliblərinin çıxış etdiyi səhnədən başqa, qırmızı xalçada da heç də az maraqlı olmayıb.

"Ən yaxşı film" nominasiyasını "CODA: Kar valideynlərin uşağı", "ən yaxşı rejissor" naminasiyası isə "Köpəyin hakimiyyəti" filminə görə Ceyn Kempion qazanıb. O, Ketrin Bigelou ("Fırtına hökmdarı") və Xloye Çjaonun ("Köçərilər diyarı") ardınca tarixdə üçüncü qadın "Oskar" mükafatçısı olub.

Aktyor Vill Smit "Kral Riçard" filmindəki roluna görə qızıl heykəl alıb. Bu, onun ilk "Oskar" mükafatıdır. Ancaq təntənəli məqam Villin şöhrət anından əvvəl baş vermiş hadisənin kölgəsində qalıb. Çünki komediya ustası Kris Rokun uğursuz və hətta kobud zarafatına görə aktyorun onunla münaqişəsi baş verib.

Kris Villin həyat yoldaşı Jada Pinkett-Smit-i "Əsgər Ceyn 2" adlandırıb. Bu sözlər aktyoru hiddətləndirib, çünki həyat yoldaşı saç tökülməsinə səbəb olan sindroma görə belə saç düzümü etməyə məcbur olub. Bu səbəbdən Smit səhnəyə çıxaraq həmkarına sillə vurub.

Aktrisa Cessika Çesteyn ("Temmi Feyin gözləri") ən yaxşı qadın roluna görə "Oskar" qazanıb.

Kristen Stüart ("Spenser: Şahzadə Diananın sirri"), Nikol Kidman ("Rikardo olmaq"), Oliviya Kolman ("Tanış olmayan qız övladı"), Penelopa Kruz ("Paralel analar") bu qızıl heykəl üçün yarışıblar.

"Ən yaxşı ikinci plan kişi aktyoru" nominasiyasını "CODA: Kar valideynlərin uşağı" filmindəki işinə görə Troy Kotsur, "Ən yaxşı ikinci plan qadın aktrisası" nominasiyasını isə "Vestsayd hekayəsi" filminə görə Ariana DeBos qazanıb.

"Ölmək vaxtı deyil" (Billi Aylish və Finneas O'Konnell) filmin ən yaxşı mahnısı mükafatına layiq görülüb. Ən yaxşı xarici bədii film isə "Avtomobilimin sükanına otur" (Yaponiya) filmi seçilib.

"Kruella" ən yaxşı kostyum dizaynına malikdir.

"Ən yaxşı animasiya filmi" nominasiyası "Enkanto", "Ən yaxşı sənədli film" isə "Soulun yayı"dır.

Operator işinə, vizual effektlər, prodüser dizayneri, Hans Zimmerin saundtreki, səs və montaja görə ən çox "Oskar" mükafatını "Dune" qazanıb. Studiyalar baxımından Varner Bros və Disney (o cümlədən Searchlight və Hulu) ən çox "Oskar" qazananlardan olub.

Digər maraqlı xəbərləri həmçinin Sputnik Azərbaycan-ın Teleqram kanalından izləyin.