BAKI, 28 mart - Sputnik. Həddindən artıq duz yemək bir sıra xəstəliklərin yaranmasına səbəb olurr. Sputnik Azərbaycan-ın Türkiyə mediasına istinadən xəbərinə görə, türkiyəli həkim Dursun Koç belə deyib, o bildirib ki, gündəlik olaraq 1 çay qaşığı qədərdə - 5 qramdan bir qədər az duz istehlak edilməlidir.
O qeyd edir ki, həddindən artıq duzlu yeməklər təzyiqi və ürək, böyrək xəstəlikləri riskini artırır.
Bundan başqa, həddindən artıq duzlu yemək bəzi xərçəng növlərinin peyda olmasına da səbəb olur.
Həkim yemək hazırlayarkən duzdan istifadəni azaltmağı tövsiyə edir. Həkim tövsiyə edir ki, duz xörək bişirilməzdən öncə əlavə edilsin, xörək bişirilən müddətdə duz əlavə edilməsin.
Bundan başqa, tövsiyə olunur ki, masadakı naz-nemətlərə - salatlara, pendirə duz əlavə edilməsin.
Tövsiyə olunur ki, alınan hazır qidalarda duz miqdarı az olanlara üstünlük verilsin.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.