BAKI, 28 mart — Sputnik. Ötən gün axşam saatlarından əsən güclü külək Oğuzda xeyli fəsad törədib. Sputnik Azərbaycan-ın bölgə müxbiri xəbər verir ki, rayonun Xaçmaz kəndində bir neçə irigövdəli ağac aşı. Onların arasında hətt diametri 1 metrə çatan ağaclar da var.
Güclü külək Oğuzda fəsad törətdi
© Sputnik / Ibrahim Hashimov
Güclü külək və aşan ağaclar elektrik dirəklərinə və elektrik xətlərinə də ciddi ziyan vurub. Həmçinin, kəndi təbii qazla təmin edən 108 və 150 mm-lik xətlər sıradan çıxıb.
Hazırda aidiyyəti qurumların əməkdaşları dəyən ziyanın miqdarını araşdırır. Eləcə də axşam saatlarına kimi elektrik enerjisinin və təbii qazın verilişinin bərpası istiqamətində iş aparılır.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.