BAKI, 27 mart - Sputnik. Ukrayna nümayəndə heyəti ilə danışıqlar martın 29-30-da davam etdiriləcək. Bu barədə RİA Novosti xəbər yayıb.
"Bu gün Ukrayna ilə videokonfransla bağlı danışıqların növbəti raundu keçirilib. Nəticədə martın 29-30-da əyani şəkildə görüşmək qərara alınıb", - deyə Rusiya prezidentinin köməkçisi Vladimir Medinski öz Telegram kanalında bildirib.
Xatırladaq ki, Rusiya fevralın 24-də Ukraynada hərbi əməliyyata başlayıb.
Prezident Vladimir Putin onun məqsədini “səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi” kimi ifadə edib.
Bunun üçün, onun sözlərinə görə, "Ukraynanın demilitarizasiyası və denasifikasiyası"nın həyata keçirilməsi, Donbassda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.
Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir.
V.Putin vurğulayıb ki, Rusiya Silahlı Qüvvələrinin dəstəyi ilə DXR və LPR qrupları hücumu inkişaf etdirir, lakin Ukraynanın işğalından söhbət getmir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.