BAKI, 27 mart - Sputnik. Cari ildə Azərbaycanda neft hasilatı sutkada 0,7 milyon barrelə çatacaq. Bu proqnozu Beynəlxalq Enerji Agentliyi (IEA) verib.
Təşkilat ilin birinci rübündə respublikanın neft hasilatını sutkada 0,7 milyon barel, ikinci və üçüncü rüblərdə isə 0,69 milyon barel səviyyəsində gözləyir. İlin son rübü üçün hesablamalar hələ açıqlanmayıb.
IEA hesablayıb ki, 2021-ci ildə Azərbaycanda neft hasilatı birinci rübdə sutkada 0,7 milyon barel, ikinci rübdə gündə 0,69 milyon barel, üçüncü və dördüncü rüblərdə isə 0,71 milyon barel təşkil edib.
2022-ci ilin aprelində Azərbaycan OPEC+-ın gündəlik neft hasilatını 400 min barel artırmaq qərarını dəstəkləyib.
Bu rəqəm Neft İxrac edən Ölkələr və Kartelə Olmayan Ölkələr Təşkilatının Nazirlərinin 26-cı Görüşündə razılaşdırılıb.
Sonuncu “Əməkdaşlıq Bəyannaməsi” martda Azərbaycanda gündəlik neft hasilatının daha 7 min barel - 682 min barelə qədər artırılmasını nəzərdə tutur, azaldılması öhdəliyi isə 36 min barel səviyyəsində nəzərdə tutulub.
*Mətndə Trend agentliyinin məlumatlarından istifadə edilib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.