BAKI, 25 mart - Sputnik. Ukraynada keçirilən xüsusi hərbi əməliyyat zamanı 1351 rusiyalı hərbçi həlak olub, 3825-i yaralanıb. Bunu cümə günü Moskvada keçirdiyi brifinqdə Rusiya Silahlı Qüvvələri Baş Qərargah rəisinin birinci müavini, general-polkovnik Sergey Rudskoy bildirib.
“Təəssüf ki, xüsusi hərbi əməliyyat zamanı yoldaşlarımız arasında itkilər olur. Bu günə kimi 1351 hərbçi həlak olub, 3825-i yaralanıb”, - deyə o bildirib.
Ukraynadakı xarici muzdlular
Rudskoy bildirib ki, Ukrayna ərazisində 62 dövlətdən 6595 əcnəbi muzdlu və terrorçu fəaliyyət göstərir, onlar amansızcasına məhv ediləcək.
"Bundan başqa, Ukrayna rəhbərliyinin təklifi ilə ölkə 62 dövlətdən olan 6595 əcnəbi muzdlu və terrorçunun sığınacağına çevrilib. Müharibə qaydaları onlara şamil edilmir və onlar amansızcasına məhv ediləcəklər".
General onu da bildirib ki, əcnəbi muzdluların sayı getdikcə azalır, buna bazalara və onların təlim düşərgələrinə yüksək dəqiqlikli zərbələr endirilməsi kömək edib. Yalnız Stariçidə və Yavorov poliqonunda martın 13-də 200-dən çox yaraqlı öldürülüb, 400-dən çoxu yaralanıb.
Onun sözlərinə görə, son 7 gün ərzində Ukraynaya bir dənə də olsun əcnəbi muzdlu gəlməyib, onların axını müşahidə olunur, 285 silahlı Polşa, Macarıstan və Rumıniyaya qaçıb.
Rudskoy ümid edir ki, onlar qaçarkən "Stinger" və "Cevelin"ləri aparmayıblar.
"Əvvəlki təcrübə göstərdi ki, vətənə qayıdan muzdlularla birlikdədaşınan zenit-raket kompleksləri və tank əleyhinə raket kompleksləri dünyada kifayət qədər sürətlə yayılır", - Rudskoy bildirib.
Xüsusi əməliyyatın birinci mərhələsinin tapşırıqları yerinə yetirilib
Rusiya Federasiyası Silahlı Qüvvələri Baş Qərargahının Baş Əməliyyat İdarəsinin rəisi bildirib ki, Ukraynada Rusiya xüsusi əməliyyatının birinci mərhələsinin əsas tapşırıqları yerinə yetirilib, Ukraynanın döyüş potensialı əhəmiyyətli dərəcədə azaldılıb.
“Ümumilikdə əməliyyatın birinci mərhələsinin əsas tapşırıqları yerinə yetirilib. Ukrayna Silahlı Qüvvələrinin döyüş potensialı əhəmiyyətli dərəcədə azaldılıb, bu, bir daha vurğulayıram, əsas səyləri əsas məqsədə - Donbasın azad edilməsinə yönəltməyə imkan verir”, - Rudskoy bildirib.
O bildirib ki, səkkiz ildir ki, Ukraynanın “Birgə Qüvvələr Əməliyyatı” adlandırılan zonada monolit uzunmüddətli beton konstruksiyalar sistemi olan dərin eşelonlu, yaxşı möhkəmləndirilmiş müdafiə xətti hazırlanıb.
"Bu baxımdan, Rusiya Federasiyası, "LXR" və "DXR" Silahlı Qüvvələrinin hərbi qulluqçularının itkilərini minimuma endirmək üçün hücum əməliyyatlarından əvvəl düşmənin dayaq məntəqələrinə, anbarlarına güclü atəş zərbəsi endirilib", - deyə Rudskoy bildirib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.