BAKI, 23 mart - Sputnik. Rusiyanın Ukraynadakı xüsusi əməliyyatını dəstəkləyən rusiyalıların sayı üç həftə ərzində demək olar ki, 10 faiz artaraq 74 faizə çatıb. Demək olar ki, hər ikinci respondent (46 faiz) əməliyyatın məqsədinin ölkəni qorumaq və Ukraynada NATO hərbi bazalarının yerləşdirilməsinin qarşısını almaq olduğunu düşünür. Martın 17-də Ümum-Rusiya İctimai Fikrin Öyrənilməsi Mərkəsinin (ÜİFÖM) keçirdiyi sorğunun nəticələrindən belə çıxır.
Fevralın 25-də "Rusiyanın Ukraynada xüsusi hərbi əməliyyat keçirməsi qərarını dəstəkləyirsiniz və ya dəstəkləmirsiniz" sualına cavab verərkən respondentlərin 65%-i bunu dəstəklədiyini bildirib. Üç həftə ərzində bu rəqəm 9 faiz artaraq 74%-ə çatıb.
Sorğu iştirakçılarının 25%-i fevralın sonunda keçirilən xüsusi əməliyyatı əsasən dəstəkləmirdi, onların sayı 8 faiz azalaraq 17%-ə düşüb.
Xüsusi əməliyyat zamanı Rusiyanın ilk növbədə hansı məqsədi güddüyünü soruşduqda, 46% "Rusiyanı qorumaq, Ukraynanı tərksilah etmək və NATO-nun orada bazalar yaratmasının qarşısını almaq" variantlarını göstərib, 19% hesab edir ki, Rusiya xüsusi əməliyyat nəticəsində "Ukraynanın siyasi kursunu dəyişmək və onu nasistlərdən təmizləmək", 17% - "Donbass əhalisini qorumaq", 5% - "Ukraynanı işğal edib Rusiyaya birləşdirmək" istəyir.
Ukraynada nə baş verir
Fevralın 24-ü Rusiya prezidenti Vladimir Putin Ukraynanın demilitarizasiyası və denasifikasiyası üçün xüsusi hərbi əməliyyat keçirməyə qərar verdiyini açıqlayıb.
Televiziya ilə rusiyalılara müraciətində o, bildirib ki, yaranmış vəziyyət "bizdən qəti və dərhal hərəkətə keçməyi tələb edir, "Donbas xalq respublikaları" yardım xahişi ilə Rusiyaya üz tutub".
Ukraynanın paytaxtı Kiyevdə və digər şəhərlərində komendant saatı, eləcə də hava hücumu barədə xəbərdarlıq elan edilib.
Artıq iyirmi səkkiz gündür ki, Ukraynanın demilitarizasiyası və denasifikasiyası üçün xüsusi hərbi əməliyyat davam edir.
"ÜİFÖM-Sputnik"in təşəbbüsü ilə ümum-Rusiya sorğusu 17 mart 2022-ci ildə keçirilib. Sorğuda yaşı 18-dən yuxarı olan 1600 insan iştirak edib. Tədqiqat stasionar və mobil nömrələrdən ibarət təbəqələşdirilmiş iki əsaslı təsadüfi seçmə üzrə telefon müsahibəsi üsulu ilə aparılmışdır. Bu nümunə üçün 95% ehtimalı ilə səhvin maksimum ölçüsü 2,5% -dən çox deyil.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.