BAKI, 22 mart - Sputnik. Rusiya XİN başçısının müavini Sergey Ryabkov Ukrayna ətrafındakı vəziyyət və ABŞ-la münasibətləri haqqında açıqlamalar verib.
Ryabkov qeyd edib ki, Rusiya-ABŞ münasibətləri tam pozulma həddindədir və məsələ Vaşinqtonun indidən belə seçəcəyi xəttdədir.
"Dünən ABŞ səfirinə nota verildi. Notada qeyd olunur ki, baş verənlər münasibətləri tam pozulma həddinə çatdırıb. Bir daha qeyd edirəm ki, məsələ ABŞ-ın seçəcəyi xətdədri", - Ryabkov deyib.
Onun sözlərinə görə, ABŞ Rusiya ilə münasibətlərdə getdiyi eskalasiya xəttini dayandırmalıdır:
"ABŞ sadəcə həm verbal gərginləşmə, həm də Kiyev rejimini silahla təmin məsələsində dayanaraq eskalasiyanı dayandırmalıdır. Rusiya əleyhinə təhdidlər yağdırmağa son qoymaq lazımdır. Əgər bu halda onlar Kiyevə hansısa pozitiv təsir də edə bilsələr, onda münasibətlərin gələcəkdə normallaşdırılması üçün müəyyən perspektiv olacaq. Lakin mən buna nəinki şübhə edirəm, hətta əminəm ki, bu olmayacaq".
RF Xarici işlər nazirinin müavini həmçinin qeyd edib ki, ABŞ sanksiyaları Ukraynada aparılan xüsusi əməliyyatın məqsədlərinə çatmaq üçün Rusiyanın qətiyyətinə təsir etməyəcək. O, həmçinin Rusiyanın ABŞ sanksiyalarına uyğunlaşdığını vurğulayıb.
Nazir müavini bəyan edib ki, "Rusiya bütün iradəsini toplayıb, Qərblə əvvəlki münasibətlərə qayıdış mümkün deyil. Ölkənin gələcəklə bağlı heç bir qorxusu yoxdur".
Ryabkov bildirib ki, ABŞ şirkətlərin Rusiyada fəaliyyətlərini dayandırmaq qərarlarına müdaxilə edib: "Rusiyadan gedən şirkətlər ABŞ tərəfindən təzyiqə məruz qaldıqlarından təəssüflənirlırlər".
Ukraynada nə baş verir
Fevralın 24-ü Rusiya prezidenti Vladimir Putin Ukraynanın demilitarizasiyası və denasifikasiyası üçün xüsusi hərbi əməliyyat keçirməyə qərar verdiyini açıqlayıb.
Televiziya ilə rusiyalılara müraciətində o, bildirib ki, yaranmış vəziyyət "bizdən qəti və dərhal hərəkətə keçməyi tələb edir, "Donbas xalq respublikaları" yardım xahişi ilə Rusiyaya üz tutub".
Ukraynanın paytaxtı Kiyevdə və digər şəhərlərində komendant saatı, eləcə də hava hücumu barədə xəbərdarlıq elan edilib.
Artıq iyirmi yeddi gündür ki, Ukraynanın demilitarizasiyası və denasifikasiyası üçün xüsusi hərbi əməliyyat davam edir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.