BAKI, 22 mart - Sputnik. Azeri Light markalı neftin bir bareli dünya bazarında dünəndən bu günə təxminən $8 bahalaşaraq $119,57 təklif edilir (martın 21-nə təklif $111,95 idi).
Azeri Light nefti üçün minimal qiymət 2020-ci ilin aprelində $15,81 olub, maksimal $149,66 isə 2008-ci ilin iyulunda qeydə alınıb.
Azərbaycanın builki dövlət büdcəsində bir barel neftin orta qiyməti 50 ABŞ dolları götürülüb.
Azərbaycanda neft əsasən "Azəri-Çıraq-Günəşli” (AÇG) yataqlar blokunun işlənməsi haqqında müqavilə çərçivəsində hasil edilir. Müqavilədə Dövlət Neft Şirkətinin (SOCAR) payı 25 %-dir.