BAKI, 16 mart - Sputnik. Rusiya Prezidenti Vladimir Putin Ukraynada keçirilən əməliyyat barədə danışıb.
"Yaxın gələcəkdə Kiyev rejimi nüvə silahı əldə bilərdi və onun hədəfi Rusiya olacaqdı" deyə o bildirib.
Putin bir daha qeyd edib ki, Rusiya qoşunlarının Kiyev ətrafında peyda olması Ukraynanı işğal etmək niyyəti ilə bağlı deyil.
RF lideri deyib ki, Kiyevə müxtəlif kanallarla Ukrayna qoşunlarını Donbassdan çıxarmaq təklif edilib, lakin bu qəbul edilməyib.
Putinin sözlərinə görə, Rusiya Silahlı Qüvvələri Ukrayna hakimiyyətinin müharibə planlarını pozublar: "Xüsusi əməliyyat plan üzrə gedir, qoyulmuş vəzifələr yerinə yetirilir. Müdafiə Nazirliyinin Ukraynadakı taktikası özünü tam doğruldub. Ukrayna hərbçiləri fərq qoymadan hər yerə atəş açır, sanki günahsız insanları özləri ilə qəbirə aparmaq istəyirlər".
"Ukraynada Pentaqonun malıyyəsi və idarəçiliyi ilə onlarla laboratoriyada hərbi-bioloji proqram reallaşdırılıb" - deyən Rusiya prezidenti əlavə edib ki, Ukrayna heç vaxt Rusiyaya təhlükə üçün meydan olmayacaq".
"ABŞ və Aİ Rusiyaya defolt elan ediblər Qərb ölkələri əhalilərini yaranmış çətinliklərdə Rusiyanın günahkar olduğunu inandırmağa çalışırlar, lakin bu yalandır" - Putin bəyan edib.
Ukraynada nə baş verir
Fevralın 24-ü Rusiya prezidenti Vladimir Putin Ukraynanın demilitarizasiyası və denasifikasiyası üçün xüsusi hərbi əməliyyat keçirməyə qərar verdiyini açıqlayıb.
Televiziya ilə rusiyalılara müraciətində o, bildirib ki, yaranmış vəziyyət "bizdən qəti və dərhal hərəkətə keçməyi tələb edir, "Donbas xalq respublikaları" yardım xahişi ilə Rusiyaya üz tutub".
Ukraynanın paytaxtı Kiyevdə və digər şəhərlərində komendant saatı, eləcə də hava hücumu barədə xəbərdarlıq elan edilib.
Artıq iyirmi bir gündür ki, Ukraynanın demilitarizasiyası və denasifikasiyası üçün xüsusi hərbi əməliyyat davam edir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.