BAKI, 14 mart — Sputnik. Ukraynadakı Pentaqon və NATO-nun əsas bazasına Rusiyanın kütləvi raket zərbəsi - Ukrayna ərazisində Rusiya Federasiyası ilə gizli və birbaşa silahlı münaqişəyə girməyə çalışan Qərb “tərəfdaşlarına” son xəbərdarlıq.
Yavorovsk poliqonunda 180-dək əcnəbi muzdlu, NATO və Ukrayna hərbi təlimatçıları, “Xarici legion”un təlim-döyüş koordinasiya mərkəzi döyüş bölgələrinə göndərilməzdən əvvəl, habelə Qərb ölkələrinin Ukraynaya verdiyi silah anbarları məhv edilib.
Bir gün əvvəl Çerniqovda “Ukrayna” hotelinin binasındakı əcnəbi yaraqlıların bazası dağıdılıb. Tamamilə təsadüfi hadisələr silsiləsi.
Fevralın 24-dən bəri Moskva dəfələrlə Vaşinqton və Brüsselə Ukraynanın demilitarizasiyası və denazifikasiyası üzrə Rusiyanın hərbi xüsusi əməliyyatına müdaxilə etməsinə qarşı ən sərt reaksiya barədə xəbərdarlıq edib. Ancaq ABŞ və NATO Kiyev rejimini “müdafiə” silahları ilə təmin etməyə davam etdi və xarici muzdlulardan ibarət dəstələr yaratdı. Nəticə qanunauyğundur – Ukrayna ərazisində Qərb mütəxəssisləri və silahları “qanuni” və Rusiya qoşunlarının raket-bomba zərbələri üçün prioritet hədəflərə çevrilib.
Amerikalılar və onların müttəfiqləri üçün təlim mərkəzi və Yavorovsk poliqonu – ABŞ-ın Almaniyadakı ən böyük “Ramştayn” hərbi bazasının Ukrayna analoqudur. “Tərəfdaşlar” 1990-cı illərin ortalarından başlayaraq 25 ildən çoxdur ki, Stariçi kəndi yaxınlığında məskunlaşıblar. İraqda, Əfqanıstanda və digər qaynar nöqtələrdə NATO qoşunları ilə qarşılıqlı əlaqədə olmaq üçün burada Ukrayna bölmələri hazırlanırdılar. İlk “Javelin”lər və “Stinger”lər buraya gətirildi.
Məhv edilmiş obyektlərdə NATO-nun razılığı ilə Rusiya ilə müharibə üçün Ukraynaya gələn özəl hərbi şirkətlərin (ÖHŞ) xarici muzdluları ilə dərslər keçirilirdi. Bu gün Yavorovsk Tədris Mərkəzinin poliqon və metodik bazası sıfırlanıb, təlimatçılar məhv edilib, minlərlə xarici muzdlu əvəzolunmaz toplam və silahlanma məntəqəsindən məhrum edilib.
Rusiya Federasiyasının Müdafiə Nazirliyi prioritet qaydada ÖHŞ muzdlularını məhv edəcəyini vəd edir və getdikcə Qərbi Ukraynadakı hərbi obyektlər üzrə gərgin “fəaliyyət göstərir” - martın 11-də Lutsk və İvano-Frankovsk şəhərləri yaxınlığında, Polşa və Slovakiya ilə sərhədlərdən çox da uzaq olmayan ərazidə yerləşən Ukrayna Silahlı Qüvvələrinin aviabazaları və digər obyektləri uzaq mənzilli yüksək dəqiqlikli silahlarla məhv edilib.
Kiyev rejimi və NATO-nun “Xarici legion” layihəsinin məhdudlaşdırması olduqca qanuni görünür. Missiya yerinə yetirilmədi, sağ qalan muzdlular Polşadan geri dönüş biletləri alırlar, NATO ölkələri “könüllülərin” Rusiya ilə müharibəyə cəlb edilməsini ləngidirlər.
Acı dərman
Ukrayna tərəfinin məlumatına görə, martın 13-də Yavorovsk poliqonuna 30-a qədər Rusiya raketi uçub. Ola bilsin ki, qorxunun gözləri böyükdür və zərbə yerindən çəkilmiş foto-video isə obyektiv olaraq Beynəlxalq Sülhməramlı və Təhlükəsizlik Mərkəzi adlanan obyektin bir neçə məğlubiyyət nöqtəsinə və çox böyük dağıdılmasına şahidlik edir.
“The New York Times” qəzeti hadisə yerində zərbə endirilməsinin görüntülərini və nəticələrini dərc edib. Eyni zamanda bu qəzetin müxbiri Devid Fillips zərbənin endirilməsi zamanı amerikalı muzdluların Yavorovsk poliqonunda olduqlarını bildirib. Sağ qalan ABŞ Ordusunun xüsusi təyinatlısı Nolan Peterson onlarla amerikalının öldüyünü təsdiqləyib – “müstəqillik” uğrunda döyüşməyə gələn 200 “könüllü”dən yalnız 30 nəfəri sağ qalıb. Lvovda yaralanan bir çox muzdluların vəziyyəti kritik olaraq qiymətləndirilir.
Fransa “könüllülərdən” olan bir nəfərin ölümü və bir neçəsinin yaralanması məlumdur. Fransız muzdlularının Ukraynaya göndərilməsinin təşkilatçısı - Uqo Pelleqrini “Beynəlxalq legion” dəstəsinə qəbulun dayandırıldığını elan edib.
Qərbdə Ukrayna layihəsi hələ bağlanmayıb, ancaq “könüllülərin” fəallığı kəskin şəkildə azalıb – çünki pulla ikinci həyatı almaq mümkün deyil. Rusiya Şimali Atlantika alyansı ölkələrindən olan muzdluların Ukraynada məhv edilməsinin hazırlığını, mümkünlüyünü və effektivliyini çox sərt şəkildə nümayiş etdirib.
Ukraynanın müdafiə naziri Aleksey Reznikov Rusiyanın Yavorovsk poliqonunda “bütün dünyayanı hücum etdiyi” halda NATO-nu növbəti dəfə “səmanı bağlamağa” çağırıb. Ukrayna prezidentinin ofisinin rəhbəri Andrey Yermak Dövlət Departamentinə Rusiyanın növbəti zərbələrinin qarşısını almaq üçün ABŞ hərbi bazalarını Qərbi Ukraynada - Suriya nümunəsi üzrə yerləşdirməyi təklif edib.
Ancaq Vaşinqton demək olar ki, hər gün ABŞ qoşunlarını Ukrayna TVD-yə göndərmək istəmədiyini bəyan edir. ABŞ Müdafiə Nazirliyinin rəsmi nümayəndəsi Con Kirbi martın 13-də bildirib ki, amerikalı hərbi təlimatçılar iki həftə əvvəl Lvov yaxınlığındakı Ukrayna Silahlı Qüvvələrinin təlim mərkəzini tərk ediblər.
ABŞ prezidentinin milli təhlükəsizlik üzrə köməkçisi Ceyk Sallivan qeyd edib ki, amerikalı hərbçilər Ukraynadakı əməliyyatlarda iştirak etmirlər və Ağ Ev bu ölkəyə heç kimi göndərmək niyyətində deyil. Pentaqon həmçinin Ukraynadakı otuz bioloji laboratoriyasının sənədləşdirilmiş işini inkar edir. ABŞ Ukraynada münaqişənin sonsuzadək davam etməsində iqtisadi maraqlara malikdir, ancaq bütün hərbi cinayətlər müstəsna olaraq Kiyev rejimi tərəfindən ödənilməli olacaq.
Avropa Şurasının sədri Şarl Mişel “El Pais” qəzetinə müsahibəsində belə yekunlaşdırıb: “NATO-nun Ukrayna ətrafında münaqişəyə girməsi Üçüncü Dünya Müharibəsinin başlanğıcına səbəb ola bilər”.
Ukraynanın demilitarizasiyası və denazifikasiyası üzrə dəqiq əməliyyatı planlı və dönməz şəkildə davam edir - Rusiya qoşunları Ukrayna Silahlı Qüvvələrinin və milli batalyonların bölmələrinin möhkəmləndirilmiş ərazilərini metodik şəkildə darmadağın ediblər. ABŞ kəşfiyyatı Ukrayna Baş Qərargahına Donbass və Rusiya respublikalarının qoşunlarının operativ şəkildə mühasirəyə alınmasının qarşısını almaq üçün “şərq cəbhəsində” Ukrayna Silahlı Qüvvələrinin təcili gücləndirilməsinin zəruriliyi barədə xəbərdarlıq edir, ancaq heç nə ilə gücləndirmək mümkün deyil. Çox əvvəllər USQ-nin Baş Qərargahı “ali komikə” ölkənin cənub-şərqində ağır döyüş texnikasının 70%-nin itirilməsi barədə məlumat verib.
USQ-nin və milli batalyonların müqavimət mərkəzləri müstəsna olaraq terrorçu üsullarla – Ukraynanın dinc əhalisindən “canlı qalxan” kimi istifadə etməklə qorunurlar. Bu rəzil prosesə birbaşa Ukrayna prezidentinin aparatı rəhbərlik edir.
Martın 14-də Donetskin “Toçka-U” kompleksinin kaset döyüş başlığı ilə atəşə tutulması millətçi birləşmələrin (Krasnoarmeyskdən) tanınmış əl yazısıdır. Ukrayna raketinin “DXR”nin mülki əhalisinə tətbiqindən sonra Rusiya İstintaq Komitəsi qadağan olunmuş müharibə üsulları ilə bağlı cinayət işi açıb.
18 günlük xüsusi hərbi əməliyyatın nəticələrinə görə, Rusiya Silahlı Qüvvələrinin bölmələri Ukrayna ərazisinin üçdə birinə nəzarət edir və hücumu davam etdirir. Ukraynanın 3920 hərbi infrastruktur obyekti sıradan çıxarılıb. 143 pilotsuz uçuş aparatı, 1267 tank və digər zirehli döyüş maşınları, 124 reaktiv yaylım atəş sistemləri, 457 sahə artilleriya qurğusu və minaatan silahları, 1028 ədəd xüsusi hərbi avtomobil texnika məhv edilib. Rusiya əməliyyatı gecə-gündüz davam edir.
Qərbin saxta xəbərlər axını fonunda martın 14-də Kreml Rusiya rəhbərliyinin Ukraynanın demilitarizasiyası və denasifikasiyası üzrə bütün planlarının “tam həcmdə” həyata keçiriləcəyini bir daha rəsmən təsdiqləyib.
Ukraynada nə baş verir
Fevralın 24-ü Rusiya prezidenti Vladimir Putin Ukraynanın demilitarizasiyası və denasifikasiyası üçün xüsusi hərbi əməliyyat keçirməyə qərar verdiyini açıqlayıb.
Televiziya ilə rusiyalılara müraciətində o, bildirib ki, yaranmış vəziyyət "bizdən qəti və dərhal hərəkətə keçməyi tələb edir, "Donbas xalq respublikaları" yardım xahişi ilə Rusiyaya üz tutub".
Ukraynanın paytaxtı Kiyevdə və digər şəhərlərində komendant saatı, eləcə də hava hücumu barədə xəbərdarlıq elan edilib.
Artıq iyirmi gündür ki, Ukraynanın demilitarizasiyası və denasifikasiyası üçün xüsusi hərbi əməliyyat davam edir.
Tərəflər arasında artıq bir neçə raund danışıqlar keçirilib, lakin tutarlı nəticələr əldə edilməyib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.