BAKI, 15 mart — Sputnik. Sputnik Azərbaycan "RİA Novosti"yə istinadla xəbər verir ki, Rusiya XİN başçısının müavini Sergey Ryabkov Moskva-Vaşinqton münasibətləri və Ukrayna ətrafındakı vəziyyət barədə danışarkən deyib.
XİN başçısının müavini ümid etdiyini bildirib ki, bir müddətdən sonra ABŞ Rusiya ilə strateji sabitlik üzrə danşıqları davam etdirməyin lazım olduğunu anlayacaq: "Rusiya ABŞ-la əlaqəni tam sıfırlamaq fikrində deyil, ünsiyyət davam edir. Ukrayna ətrafındakı vəziyyət ABŞ-nın neçə illər ərzində atdığı addımların nəticəsidir. Ukraynayla bağlı RF və ABŞ tam əks yanaşma sərgiləyirlər".
Ryabkov qeyd edib ki, Vaşinqtonun Ukraynada baş verənlərdə rolu destruktivdir: "Moskva ABŞ-nın bu siyasətini pisləyir. Guya ki, Rusiyanın İranla nüvə sazışınin bərpasını pozmağa cəhdləri barədə bəyanatlar tam əsassızdır".
Ukraynada nə baş verir
Fevralın 24-ü Rusiya prezidenti Vladimir Putin Ukraynanın demilitarizasiyası və denasifikasiyası üçün xüsusi hərbi əməliyyat keçirməyə qərar verdiyini açıqlayıb.
Televiziya ilə rusiyalılara müraciətində o, bildirib ki, yaranmış vəziyyət "bizdən qəti və dərhal hərəkətə keçməyi tələb edir, "Donbas xalq respublikaları" yardım xahişi ilə Rusiyaya üz tutub".
Ukraynanın paytaxtı Kiyevdə və digər şəhərlərində komendant saatı, eləcə də hava hücumu barədə xəbərdarlıq elan edilib.
Artıq iyirmi gündür ki, Ukraynanın demilitarizasiyası və denasifikasiyası üçün xüsusi hərbi əməliyyat davam edir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.