BAKI, 14 mart — Sputnik. Rusiya MN Ukraynadakı əməliyyat barədə son məlumatı yayıb. Sputnik Azərbaycan bu barədə "RİA Novosti"yə istinadla xəbər verir.
Bildirilib ki, gecə ərazində, biri "Bayraktar TB-2" olmaqla, dörd PUA vurulub.
Rusiya hərbi qüvvələri əməliyyat başlayandan Ukraynadakı 3920 hərbi infrastruktur obyektini məhv edib.
Qeyd olunub ki, Rusiya ordusu daha 11 km irəliləyə biliblər. Bununla yanaşı, Rusiya aviasiyası Ukraynanın 187 hərbi obyektini məhv edib.
Ukraynada nə baş verir
Fevralın 24-ü Rusiya prezidenti Vladimir Putin Ukraynanın demilitarizasiyası və denasifikasiyası üçün xüsusi hərbi əməliyyat keçirməyə qərar verdiyini açıqlayıb.
Televiziya ilə rusiyalılara müraciətində o, bildirib ki, yaranmış vəziyyət "bizdən qəti və dərhal hərəkətə keçməyi tələb edir, "Donbas xalq respublikaları" yardım xahişi ilə Rusiyaya üz tutub".
Ukraynanın paytaxtı Kiyevdə və digər şəhərlərində komendant saatı, eləcə də hava hücumu barədə xəbərdarlıq elan edilib.
Artıq on doqquz gündür ki, Ukraynanın demilitarizasiyası və denasifikasiyası üçün xüsusi hərbi əməliyyat davam edir.