BAKI, 13 mart — Sputnik. Xüsusi hərbi əməliyyat başlayandan bəri Rusiya Silahlı Qüvvələri Ukraynada 3700-ə yaxın hərbi obyekti məhv edib.
Bu barədə bu gün Rusiya Müdafiə Nazirliyinin sözçüsü general-mayor İqor Konaşenkov jurnalistlərə bildirib.
Onun sözlərinə əsasən, 99 təyyarə, 128 pilotsuz uçuş aparatı, 1194 tank və digər zirehli döyüş maşını, 121 reaktiv yaylım atəşi sistemi, 443 səhra artilleriya və minaatan qurğusu, 991 ədəd xüsusi təyinatlı hərbi texnika məhv edilib.
Rusiya Federasiyasının keçirdiyi xüsusi əməliyyat zamanı Ukraynanın 3 687 hərbi infrastruktur obyekti sıradan çıxarılıb.
ABŞ, Hindistan, Vyetnam, Bolqarıstan da daxil olmaqla müxtəlif ölkələrin 140-dan çox vətəndaşı avtobusla Ukraynanın Xerson vilayətindən Krımın Armyansk şəhərinə aparılıb.
Rusiya Silahlı Qüvvələri Ukraynanın Nikolskoye kəndindəki monastırda millətçilər tərəfindən girov saxlanılan 300-ə yaxın vətəndaşı azad ediblər.
Ukraynada nə baş verir
Fevralın 24-ü Rusiya prezidenti Vladimir Putin Ukraynanın demilitarizasiyası və denasifikasiyası üçün xüsusi hərbi əməliyyat keçirməyə qərar verdiyini açıqlayıb.
Televiziya ilə rusiyalılara müraciətində o, bildirib ki, yaranmış vəziyyət "bizdən qəti və dərhal hərəkətə keçməyi tələb edir, "Donbas xalq respublikaları" yardım xahişi ilə Rusiyaya üz tutub".
Ukraynanın paytaxtı Kiyevdə və digər şəhərlərində komendant saatı, eləcə də hava hücumu barədə xəbərdarlıq elan edilib.
Artıq on səkkiz gündür ki, Ukraynanın demilitarizasiyası və denasifikasiyası üçün xüsusi hərbi əməliyyat davam edir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.