BAKI, 12 mart - Sputnik. "Qazprom" şirkəti Ukraynadan tranzit yolu ilə ötürülən qazın tədarükünü ştat rejimində, istehlakçıların sifarişlərinə uyğun olaraq həyata keçirir — martın 12-si üçün 109,5 milyon kubmetr. Bu barədə şirkətdən məlumat verilib.
"Qazprom" şirkəti Ukrayna ərazisindən tranzit yolu ilə ötürülən Rusiya qazının tədarükünü ştat rejimində, avropalı istehlakçıların sifarişlərinə uyğun olaraq həyata keçirir — martın 12-si üçün 109,5 milyon kubmetr" - xəbərdə deyilir.
"Qazprom"un Ukrayna qarşısında tranzit öhdəlikləri 2022-ci il üçün 40 milyard kubmetr və yaxud sutkada 109,6 milyon kubmetr təşkil edir.
Ukraynada nə baş verir
Fevralın 24-ü Rusiya prezidenti Vladimir Putin Ukraynanın demilitarizasiyası və denasifikasiyası üçün xüsusi hərbi əməliyyat keçirməyə qərar verdiyini açıqlayıb.
Televiziya ilə rusiyalılara müraciətində o, bildirib ki, yaranmış vəziyyət "bizdən qəti və dərhal hərəkətə keçməyi tələb edir, "Donbas xalq respublikaları" yardım xahişi ilə Rusiyaya üz tutub".
Ukraynanın paytaxtı Kiyevdə və digər şəhərlərində komendant saatı, eləcə də hava hücumu barədə xəbərdarlıq elan edilib.
Artıq on yeddi gündür ki, Ukraynanın demilitarizasiyası və denasifikasiyası üçün xüsusi hərbi əməliyyat davam edir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.