BAKI, 10 mart — Sputnik. Azərbaycanda müdafiə və milli təhlükəsizlik istiqamətində xərclərin məbləği açıqlanıb.
Sputnik Azərbaycan-ın məlumatına görə, Nazirlər Kabinetinin 2021-ci il üçün hesabatında qeyd olunub ki, ötən il müdafiə və milli təhlükəsizlik xərcləri üçün proqnozlaşdırılan 4 milyard 579 milyon manatdan 4 milyard 541. 6 milyon manat icra olunub.
Müdafiə və milli təhlükəsizlik xərcləri üçün ayrılan 99.2 faizi müvafiq istiqamətdə xərclənib. Bu, 2020-ci illə müqayisədə 786.5 milyon manat, yaxud 20.9 faiz çoxdur.
Həmin vəsaitin 2,89 milyard manatı müdafiə və milli təhlükəsizlik üçün, 2,362 milyard manatı isə məhkəmə hakimiyyəti və hüquq-mühafizə orqanlarının və prokurorluğun saxlanılması nəzərdə tutulub. Bunlar isə illik müqayisədə müvafiq olaraq 16,3% və 12,9% çoxdur.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.