BAKI, 8 mart - Sputnik. Ukraynadakı biolaboratoriyalara dair məlumatlar ABŞ-a qarşı bu ölkənin Bioloji və Toksin Silahlar Konvensiyasına (BTWC) riayət etməsi ilə bağlı iddialarını təsdiqləyir. RİA Novosti-nin xəbərinə görə, bunu Rusiya Xarici İşlər Nazirliyinin nümayəndəsi Mariya Zaxarova deyib.
Qeyd edək ki, bazar günü Rusiya Müdafiə Nazirliyinin nümayəndəsi, general-mayor İqor Konaşenkov Rusiya Müdafiə Nazirliyinin Ukraynada bioloji silah komponentlərinin yaradılması proqramı üzrə sənədlərin təhlilini təqdim edəcəyini bildirmişdi.
“Fevralın 24-də Ukrayna bioloji laboratoriyalarının əməkdaşlarından taun, qarayara, tulyaremiya, vəba və digər ölümcül xəstəliklərin xüsusilə təhlükəli patogenlərinin təcili məhv edilməsi ilə bağlı sənədlər əldə edilib. Xüsusilə təhlükəli patogenlərin təcili məhv edilməsi Ukrayna və ABŞ tərəfindən Bioloji və Toksin Silahların Qadağan edilməsi Konvensiyanın (BTWC) I maddəsinin pozulması faktlarının açıqlanmasının qarşısını almaq üçün həyata keçirilib", - deyə Zaxarova bildirib.
Onu da qeyd edək ki, bu gün Rusiya XİN rəsmi nümayəndəsi Mariya Zaxarova bildirib ki, Rusiya Türkiyədə danışıqlara hazırdır, məsələ Ukrayna tərəfinin qətiyyətindədir.
"Siz bizim konsepsiyanı və danışıqlara hazırlığımızı bilirsiniz, məsələ digər (Ukrayna" tərəfdədir, o tərəfin nə qədər adekvat olmasındadır", - deyə Zaxarova bildirib.
Daha öncə Zaxarova bəyan edib ki, Antalya diplomatik forumu çərçivəsində Türkiyə XİN başçısı Mövlud Çavuşoğlunun iştirakı ilə RF və Ukrayna xarici işlər nazirləri Sergey Lavrovla Dmitri Kulebanın görüşü planlaşdırılır. Sonradan Dmitri Kuleba görüşüm martın 10-na planlaşdırıldığını bildirib.
Ukraynada nə baş verir
Fevralın 24-ü Rusiya prezidenti Vladimir Putin Ukraynanın demilitarizasiyası və denasifikasiyası üçün xüsusi hərbi əməliyyat keçirməyə qərar verdiyini açıqlayıb.
Televiziya ilə rusiyalılara müraciətində o, bildirib ki, yaranmış vəziyyət "bizdən qəti və dərhal hərəkətə keçməyi tələb edir, "Donbas xalq respublikaları" yardım xahişi ilə Rusiyaya üz tutub".
Ukraynanın paytaxtı Kiyevdə və digər şəhərlərində komendant saatı, eləcə də hava hücumu barədə xəbərdarlıq elan edilib.
Artıq on üç gündür ki, Ukraynanın demilitarizasiyası və denasifikasiyası üçün xüsusi hərbi əməliyyat davam edir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.