BAKI, 27 fevral - Sputnik. Ukrayna Prezidenti Volodimir Zelenski ilə Belarus Prezidenti Aleksandr Lukaşenko arasında telefon danışığı olub.
Bu barədə Ukrayna Prezidenti sosial şəbəkə hesabında bildirib.
Daha əvvəl Ukrayna Prezidenti bildirib ki, Rusiya ilə danışıqlar üçün Belarusun məkan olaraq seçilməsi təklifinə mənfi cavab verib.
"Əgər ərazilərinizdən təcavüzkar hərəkətlər olmasaydı, Minskdə, sizin şəhərinizdə danışa bilərdik", - Ukrayna lideri deyib. "İndi biz deyirik: Minsk yox. Digər şəhərlər görüş yeri ola bilər", - Report Zelenskinin sözlərini belə tərcümə edib.
Zelenski belaruslulara müraciət edərək, ölkənin yenidən mehriban və təhlükəsiz olmasını arzulayıb.
Ukrayna Prezidenti Belarusda danışıqlara başlamaq təklifindən xəbərdar olduğunu bildirib. Zelenskinin sözlərinə görə, Kiyev onun tərəfində hərbi əməliyyatlar olmasaydı, Belarusda danışıqlara razı olardı.
Zelenski bildirib ki, başqa şəhərlər danışıqlar üçün platforma ola bilər, lakin Belarusda deyil.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Həmçinin oxuyun: