BAKI, 23 fevral — Sputnik. Bakı-Qazax yolunda mikroavtobus qəzasında yaralananların adları bəlli olub.
Sputnik Azərbaycan-ın bölgə müxbiri xəbər verir ki, qəza avtomobil yolunun Kürdəmir rayonun Qarabucaq kəndindən keçən hissəsində baş verib.
İlkin məlumatlara görə, minik avtomobili və mikroavtobusun toqquşması nəticəsində avtomobillərdə olan 8 nəfər: Bakı şəhər sakini, 1958-ci il təvvəlüdlü Almazov Şahmurad Bəhlul oğlu, Salyan rayon sakinləri - 1989-cu il təvəllüdlü Mehraliyeva Günel Bəxtiyar qızı, 2008-ci il təvəllüdlü Teymurova Turanə Taleh qızı, 2018-ci il təvəllüdlü Səfərli Cansu Mahir qızı,1990-cı il təvəllüdü Mehraliyeva Aygün Bəxtiyar qızı, 1978-ci il təvəllüdli Məmmədov Elton Məhəmməd oğlu, eləcə də Mehraliyeva Vəzifə Nəhmət qızı (1968) və Səfərov Mahir Zeynal oğlu (1995) müxtəlif dərəcəli bədən xəsarətlərli ilə Kürdəmir rayon Mərkəzi Xəstəxanasına yerləşdiriliblər.
Faktla yol polisi tərəfindən bağlı araşdırma aparılır.
----------
15:13
Kürdəmirdə yol-nəqliyyat hadisəsi baş verib. Sputnik Azərbaycan APA-ya istinadla xəbər verir ki, hadisə Bakı-Qazax yolunun rayon ərazisindən keçən hissəsində qeydə alınıb.
Bakı-Qazax yolunda yol-nəqliyyat hadisəsi
© Sputnik / Reshad Rashidov
İlkin məlumata görə, mikroavtobusla minik maşınının toqquşması nəticəsində 10-a yaxın şəxs xəsarət alıb. Hadisə zamanı xəsarət alanlar təcili tibbi yardım maşınları ilə Kürdəmir rayon Mərkəzi Xəstəxanasına aparılıb.
Faktla bağlı araşdırma aparılır.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.