BAKI, 13 fevral — Sputnik. Güclü külək, qısa müddətli yağış Goranboyda bir neçə kəndi işıqsız qoyub.
Sputnik Azərbaycan xəbər verir ki, rayonun Boluslu, Məşədiqaralar, Eyvazallar, Nərimanlı, Zeynallı, Balakürd kəndlərinə təxminən saat 20 radələrindən elektrik enerjisının verilişi dayanıb.
Küləyin təsirilə ağac budaqlarının naqillərə toxunması səbəbindən baş verən qəzalar saatlardır yaşayış məntəqələrini işıqsız qoyub.
Goranboyda küləyin fəsadları
© Sputnik / Rahim Mammadov
Goranboyun Boluslu kənd sakinləri Sputnik Azərbaycan-a bildiriblər ki, yaşayış məntəqəsində enerji verilişində fasilələr tez-tez olur. Bir az külək olan kimi Boluslu sakinləri gecəni şam işığında keçirməyə məcbur qalırlar. Qeyd edək ki, hazırda Goranboyda küləyin sürəti azalıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.