BAKI, 10 fevral - Sputnik. Dövlət Neft Şirkətinin (SOCAR) prezidenti Rövnəq Abdullayev vəzifəsindən azad edilib.
Sputnik Azərbaycan bildirir ki, bununla əlaqədar Prezident İlham Əliyev Sərəncam imzalayıb.
Prezideentin digər sərəncamı ilə Rövnəq Abdullayev Azərbaycan Respublikası iqtisadiyyat naziri Mikayıl Cabbarovun müavini təyin edilib.
Onun əvəz etdiyi Elnur Aydın oğlu Əliyev isə nazirin müavini vəzifəsindən Prezidentin sərəncamı ilə azad edilib.
Həmçinin digər sərəncamlarla Rövşən Çingiz oğlu Nəcəf Azərbaycan Respublikası iqtisadiyyat nazirinin birinci müavini vəzifəsindən azad olunaraq yerinə Elnur Aydın oğlu Əliyev təyin edilib.
Rövşən Nəcəf Azərbaycan Respublikası Dövlət Neft Şirkətinin birinci vitse-prezidenti təyin olunub.
Bütün sərəncamlar imzalandığı gündən, yəni bu gündən qüvvəyə minib.
Qeyd edək ki, Rövnəq Abdullayev 2005-ci il noyabrın 10-dan Dövlət Neft Şirkətinin prezidenti idi. Fəaliyyətə Neft Daşlarında başlayıb. Bir neçə dəfə AFFA, bir dəfə Cüdo Federasiyasının prezidenti seçilib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.