Kraliça üçün tort: II Elizabet platin yubileyini necə qeyd edib

II Elizabet hakimiyyətinin 70-ci ildönümü ərəfəsində ictimaiyyətə və ailəsinə göstərdikləri dəstəyə görə təşəkkürünü bildirən müraciət yazıb və oğlu Şahzadə Çarlzın taxtda onu əvəz edəcəyi zamanda da xalqın eyni dəstək göstərəcəyinə ümid etdiyini bildirib.

Bundan əlavə, II Elizabet onu da qeyd edib ki, Çarlz kral olduqdan sonra onun həyat yoldaşı Kamilla kraliça - həyat yoldaşı statusunu alacaq.

1 / 10

Böyük Britaniya kraliçası II Elizabet 5 fevral 2022-ci ildə Norfolkda yerləşən iqamətgahı, Sandringem sarayının bal zalında qəbul zamanı "platin" yubileyinin başlanğıcını qeyd etməsi şərəfinə tort kəsir.

2 / 10

II Elizabet 5 fevral 2022-ci ildə Norfolkda yerləşən iqamətgahı Sandringem sarayının bal zalında "platin" yubileyi zamanı "Kiçik ilkin kəşfiyyatçılar" adlı yerli ictimai qrupunun nümayəndələri ilə söhbət edir.

3 / 10

Cütlük 6 fevral 2022-ci ildə Londonun mərkəzində yerləşən Pikadilli meydanında Böyük Britaniya Kraliçası II Elizabetin təsviri ilə rəqəmsal ekran fonunda selfi çəkir.

4 / 10

Böyük Britaniya Kraliçası II Elizabet 5 fevral 2022-ci ildə Sandringem evinin bal zalında "platin" yubileyi şərəfinə qəbul zamanı.

5 / 10

Böyük Britaniya Kraliçası II Elizabet 4 fevral 2022-ci ildə Vindzor qəsrindəki palıd otağında "qızıl" və "platin" yubileylərindən ibarət xatirə əşyaları sərgisinə baxır.

6 / 10

6 fevral 2022-ci ildə Londonda Böyük Britaniya Kraliçası II Elizabetin taxta çıxmasının 70-ci ildönümü şərəfinə mağaza vitrinlərində nümayiş etdirilən suvenirlər.

7 / 10

Böyük Britaniya Kraliçası II Elizabet 5 fevral 2022-ci ildə "platin" yubileyi zamanı Norfolkda yerləşən iqamətgahı Sandringem sarayının bal zalında 9 yaşlı Harriet Rivdən gül dəstəsi alır.

8 / 10

Kraliça II Elizabet 4 fevral 2022-ci ildə Vindzor qəsrindəki palıd otağında "qızıl" və "platin" yubileylərindən ibarət xatirə əşyaları sərgisinə baxır.

9 / 10

5 fevral 2022-ci ildə Londonda Böyük Britaniya Kraliçasının taxta çıxmasının 70-ci ildönümü şərəfinə mağaza vitrinlərində nümayiş etdirilən xatirə əşyaları.

10 / 10

Böyük Britaniya Kraliçası II Elizabet "platin" yubileyi zamanı Norfolkdakı iqamətgahı Sandringem evinin bal zalında Anjela Vud ilə söhbət edir.

Şahzadə Elizabet 6 fevral 1952-ci ildə atası Kral VI Georqun vəfat etdiyi gün kraliça olub. 2022-ci ildə 96 yaşı tamam olan II Elizabet hakimiyyətinin "platin" ildönümünü qeyd edən ilk Britaniya monarxı olacaq.

Fevral ayında İngiltərədə hava şəraiti ilə əlaqədar olaraq bayramların keçirilməsi yay aylarına təxirə salınır. İngiltərə monarxlarının rəsmi doğum günləri, əslində nə vaxt olmasından asılı olmayaraq, yayda qeyd olunur.

Yubileyin qeyd edilməsi çərçivəsində il boyu ölkə daxilində müxtəlif tədbirlər keçiriləcək və iyunun 2-dən 5-dək uzadılmış bayram həftəsonu ilə yekunlaşacaq. Həftəsonu Böyük Britaniya və Birlik ölkələrində bayram tədbirləri keçiriləcək.