Yola saldığımız həftə şimal yarımkürəsi ölkələrinin əsasən qarla mübarizəsi ilə yadda qaldı. Ancaq soyuqlara rəğmən Fransada dövlət qulluqçuları küçələrə tökülüşüb maaş azlığına görə etiraz etdilər, türklər isə aeroportlar bağlanıb, yollar buz bağlasa da qarın keyfini də çıxara bildilər.
Dəb aşiqləri həvəslərindən qalmadılar. Parisdə yüksək moda nümayişində "Chanel Haute Couture" kolleksiyasının təqdimatı zamanı səhnəyə hətta at da çıxdı.
Bu arada, omikron ştammı ilə dünyada tüğyan edən koronavirusu yada salan yoxdur. Dünyanın müxtəlif nöqtələrində insanlar kütləvi toplaşaraq bayram da keçirirlər, etiraz da, festival da.
Ötən həftə dünyada baş verən hadisələrin ən parlaq anları müxtəlif agentliklərin fotomüxbirlərinin prizmasından süzülərək Sputnik Azərbaycan-ın həftəlik fotolentində toplanıb.