Rusiyanın Azərbaycandakı səfiri Mixail Boçarnikovun mətbuat konfransı

BAKI, 26 yanvar — Sputnik. Rusiya Federasiyasının Azərbaycandakı fövqəladə və səlahiyyətli səfiri Mixail Boçarnikov Sputnik Azərbaycanın mətbuat mərkəzində ötən ilin Azərbaycan-Rusiya qarşılıqlı münasibətləri baxımından necə keçdiyi, 2022-ci ildə hansı məqamlarla yadda qalacağı barədə danışıb.

Mixail Boşarnikov öncə ilə yekun vuraraq Rusiya-Azərbaycan münasibətlərinin vəziyyətini qiymətləndirib:

- 2021-ci il əhəmiyyətli oldu, biz 2020-ci illə müqayisədə irəli addım atdıq. Münasibətlərin dinamikası lazımi səviyyədə idi. Prezidentlər digər səviyyələrdə də təmasların xarakterini müəyyən etdilər.

- Bizim siyasi, iqtisadi və humanitar əlaqələrlə bağlı planlarımız var. Biz həmçinin, diplomatik münasibətlərin 30 illiyini hər iki tərəfdə silsilə tədbirlərlə qeyd etməyi planlaşdırırıq.

Bu tarix ikitərəfli münasibətlərə əlavə dinamika verməyə imkan yaradır. Geniş tədbirlər planı var. Əminəm ki, ən yüksək səviyyədə görüşlər olacaq. Bu il bir sıra sahələrdə müqavilələrin bağlanması ilə əlamətdar olacaq. Koronavirusa rəğmən, regionda nizamlanma ilə bağlı bütün səviyyələrdə işlər davam etdiriləcək. Prinsipcə, 2022-ci il üçün planlar çox genişdir.

- Tədbirlər planı var. Hamısını sadalamayacağam. Biz bu məsələ ilə yaxından məşğul oluruq. Ən yüksək səviyyədə görüşlər də planlaşdırılır. Bir sıra mühüm sazişlərin imzalanması gözlənilir. Hökumətlərarası Komissiyanın 20-ci yubiley iclası keçiriləcək. Bu iclas Azərbaycanda baş tutacaq.

- Bildiyiniz kimi, sərhədlər operativ qərargahın qərarı ilə bağlanıb. Bu, mübahisə mövzusu deyil. Nə qəbul olunubsa, olunub. Sərhədlərin açılması epidemioloji vəziyyətdən asılıdır. Ancaq bu o demək deyil ki, insanlar arasında rabitə də kəsilib. Artıq Rusiyanın 9 aviaşirkəti Rusiyanın müxtəlif şəhərlərindən Bakıya 50-dən çox reys həyata keçirir.

Rusiyanın dörd aviaşirkəti Moskva, Sankt-Peterburq və Mahaçqaladan Gəncə, Lənkəran və Naxçıvana reyslər yerinə yetirməyə hazırlaşır. Rusiya Nəqliyyat Nazirliyi Azərbaycan tərəfindən icazə istəyib, bunun 90%-i təsıdiqlənib və təyyarələr artıq uçur.

İnsanlar arasında rabitənin, turist mübadiləsinin gerçəkləşdirilməsi üçün nəqliyyat əsası var. Turizm əlaqələrinin inkişaf etdirilməsi daim birgə hökumətlərarası komissiyanın gündəmindədir.

Çoxdankı bir layihəni də yada salmaq istəyirəm - Xəzərdə dəniz sərnişin turizminin açılması. Bu məsələ hələ də aktualdır, Rusiyada ilk kruiz laynerinin inşası başa çatmaq üzrədir. İndi Həştərxanda suda sınağı keçirilir. Adı "Böyük Pyotr"dur. Deyilənə görə, yüksək sinif kruiz turist gəmisidir. Çox ümid edirəm ki, bu il sınaqlar bitəcək və biz bu layihənin başladığını görəcəyik.

- Moskva Cənubi Qafqazda "3+3" platforması çərçivəsində əməkdaşlığı inkişaf etdirməkdə maraqlıdır. İnanırıq ki, "3+3" platforması etimad quruculuğu tədbirləri, ticarət-iqtisadi, nəqliyyat, mədəni və humanitar sahələrdə qarşılıqlı fəaliyyət, ümumi çağırış və təhdidlərə qarşı mübarizə apara bilər.

Əvvəldən bu formatda olan iştirakçılardan Gürcüstanın bu platformaya daxil olması çətin olsa belə, qapının bu ölkənin üzünə açıq olduğu bildirilib. Hesab edirəm ki, Gürcüstan bu formatın səmərəliliyini qiymətləndirərək, ona qoşulacaq. Növbəti görüş təyin olunub, hələ harada deyə bilmərəm, amma iş davam edəcək.

Biz Rusiyada Azərbaycan Prezidenti İlham Əliyevin regionda vəziyyətin normallaşması, iqtisadi əlaqələrin bərpası ilə bağlı səsləndirdiyi fikirləri yüksək qiymətləndiririk. Bu bütün tərəflər üçün faydalı olacaq. Biz bu yanaşmanı tamamilə bölüşürük.

- Sual üçün təşəkkürlər. Bu çox maraqlı mövzudur. Bu görüşlər iki ölkə ictimaiyyəti arasında əlaqələrin qurulması baxımından əhəmiyyətlidir.

Görüş ümumilikdə konstruktiv keçdi. 2022-ci ildə ünsiyyəti davam etdirmək barədə razılaşdıq. Əlaqələr qurulub. Baxmayaraq ki, proses asan deyil. Onu deyə bilərəm ki, görüşü bir qədər ehtiyatlı nikbinliklə qiymətləndirirəm.

- Ötən il Rusiyanın iki biznes missiyası bu məsələni müzakirə etmək üçün Azərbaycana gəlib. Həmin tədbirdə 50-yə yaxın Rusiya şirkəti iştirak edib. İlk "qaranquş" KAMAZ oldu.

Rusiya şirkətləri işğaldan azad edilmiş Qarabağa sərmayə qoymaq üçün 14 ərizə təqdim edib. Rusiyanın bu regionda nəqliyyat və enerji layihələrində iştirakı ilə bağlı məsələlər müzakirə olunur.

Artıq fevral ayında biz Udmurtiya və Sankt-Peterburqdan işgüzar missiyaları qəbul edəcəyik. Ənənəvi olaraq Həştərxan və Dağıstan da maraq göstərir.

- Doğrudan da, LUKOIL Azərbaycan iqtisadiyyatına investisiya cəlb etmək üçün mühüm razılaşmalar imzalayıb. Şirkət əvvəlki kimi Azərbaycanın tərəfdaşı statusunu təsdiqləməkdə davam edir.

- Xəzərin su ehtiyatlarından birgə və səmərəli istifadədə qarşılıqlı marağımız var. Beştərəfli format da çox vacibdir. Bu günlərdə Rusiya Federasiyası Elmlər Akademiyasının nümayəndə heyəti Bakıya gəlib. Bir çox məsələlərlə yanaşı, Xəzər dənizinin təmizliyinin təmin edilməsinə də toxunulub.

- Qeyd etmək istərdim ki, istənilən halda bu və ya digər inteqrasiya birliyinə daxil olmaq qərarı Azərbaycanın suveren hüququdur.

Mən Azərbaycanla AİB arasında münasibətlərin inkişaf perspektivlərini dəyərləndirməyəcəyəm. Amma qeyd edim ki, inteqrasiyadan birlik ölkələri faydalanıb. AİB yarandıqdan sonra hər il ölkələr arasında ticarət dövriyyəsində artım müşahidə olunur. Bir sıra ölkələr AİB ilə müxtəlif formada qarşılıqlı münasibətlərə maraq göstərir. Bu strukturun yaradılması müasir iqtisadi şəraitdə özünü doğruldub.

- Rusiya ABŞ və NATO-ya təhlükəsizlik zəmanətləri üzrə öz təkliflərini təqdim edib.

Hazırda məfhumların dəyişdirilməsi sezilir: söhbət Ukraynadan getmir. Söhbət dünyanın təhlükəsziliyindən, Rusiya sərhədlərində silahların yerləşdirilməsinin qəbuledilməz olmasından gedir.

- Mən Azərbaycana gələnə qədər həqiqətən Qazaxıstanda işləmişəm. Amma bunun üstündən 4 il keçib və mən bu mövzuda mütəxəssis deyiləm. Mən yalnız Qazaxıstan prezidentinin dəyərləndirmələri əsasında öz fikrimi deyə bilərəm.

Hesab edirəm ki, Tokayev kifayət qədər əsaslı şəkildə dəstək üçün KTMT-yə müraciət etdi. KTMT-nin operativ reaksiya verməsi vacib idi. Bu dəstək təşkilatın nizamnaməsi və Qazaxıstan prezidentinin dəvəti əsasında tamamilə qanuni idi. Və çoxsaylı proqnozların əksinə olaraq, vəziyyət dəyişəndə dərhal geri çəkildi.