BAKI, 26 yanvar - Sputnik. Ermənistanın baş naziri Nikol Paşinyan koronavirusa yoluxub.
Ermənistan hökumətinin mətbuat xidmətindən bildiriblər ki, o, özünü təcrid edib.
"Paşinyan koronavirusa görə test verib, nəticəsi müsbət çıxıb. Baş nazir qəbul olunmuş qaydalara uyğun olaraq özünü təcrid edib. Xəstəliyi simptomsuz keçirir", - məlumatda deyilir.
Mətbuat xidmətindən qeyd olunub ki, Paşinyan evdən işləyəcək.
Qeyd edək ki, Paşinyan 2020-ci il iyunun 1-də də koronavirusa yoluxmuşdu. O, həmin vaxt da xəstəliyi əlamətsiz keçirdiyini bəyan etmişdi. Bu səbəbdən o, hətta Moskvaya səfərini də təxirə salmışdı.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.