BAKI, 15 yanvar - Sputnik. Bu gün Xaçmaz rayon ərazisində əsən güclü külək bir neçə fəsadlara yol açıb. Sputnik Azərbaycan-ın bölgə müxbirinin verdiyi məlumata görə, külək səhər saatlarından əsməyə başlayıb.
Külək nəticəsində rayonun Qobuqırağı kənd orta məktəbinin bir hissəsinin damı uçub.
Xaçmaz rayon Təhsil Şöbəsinin müdiri İnqilab Musayevin Sputnik Azərbaycan-a verdiyi məlumata görə, o dərhal hadisə yerində olub. Məktəbin əsas binasının deyil, köməkçi binanın dam örtüyününkülək nəticəsində uçduğu məlum olub.
Qobuqırağı kəndində küləyin fəsadları
© Sputnik / Leyla Abdullayeva
Havanın şıltaqlığı nəticəsində Köhnə Xudat kəndində bir fərdi evin damı uçub. Rayon ərazisində əsən külək bir çox sakinləri də işıqsız qoyub. Hal-hazırda rayon ərazisində 5-6 xəttə elektrik enerjisi kəsilib.
Həmçinin oxuyun: