BAKI, 14 yanvar - Sputnik. Meşə massivində qadın meyiti tapılıb. Hadisə Şabranda baş verib. Sputnik Azərbaycan-ın verdiyi məlumata görə, meyit rayonun Ağalıq kəndi ərazisində tapılıb.
Əldə etdiyimiz bilgilərə görə, meyit Şabran rayon sakini, 42 yaşlı Xudiyeva Sevda Vaqif qızına məxsusdur. Kənd sakinləri bildiriblər ki, qadının intihar etdiyi ehtimal olunur.
Faktla bağlı Şabran rayon Prokurorluğunda araşdırma aparılır.
Bu günlərdə Abşeron rayonunda bir evdə 3 nəfərin çürümüş meyiti tapılmışdı. Saray qəsəbəsində, evlərdən birində 3 kişi meyiti aşkar edilib. Meyitlərə keçirilən baxış zaman adamların dəm qazından boğularaq öldüyü məlum olub.