Dəlisov Maks və ya qumda təhlükəli yarış - 12.01.2022, Sputnik Azərbaycan

BAKI, 11 yanvar — Sputnik. “Dakar” rallisində yük avtomobilləri sinfində “Kamaz-master” komandası yenə rəqib tanımadı.

Sputnik Azərbaycan xəbər verir ki, Səudiyyə Ərəbistanında məşhur “Dakar” ralli-reydinin səkkizinci mərhələsi başa çatıb.

1 / 15

KTM baykeri Tomas Preus Səudiyyə Ərəbistanında keçirilən “Dakar-2022” rallisinin 8-ci mərhələsində iştirak edir.

2 / 15

İsveç yarışçısı Mattias Ekstrom və onun İsveçrədən olan şturmanı Emil Berqkvist öz “Audi electric”-lərində Səudiyyə Ərəbistanında keçirilən “Dakar-2022” rallisinin 8-ci mərhələsində, 10 yanvar 2022-ci il.

3 / 15

Polşalı pilot Yakub Pjiqonski və onun Almaniyadan olan şturmanı Timo Qottşalk Səudiyyə Ərəbistanının paytaxtı Ər-Riyadla Əl-Dəvadimi şəhərləri arasında rallinin 7-ci mərhələsində yarışırlar, 9 yanvar, 2022-ci il.

4 / 15

Rusiyalı “KamAZ” sürücüsü Anton Şibalov və şturmanlar Dmitri Nikitinlə İvan Tatarinov “Dakar-2022” rallisinin səkkizinci mərhələsində yarışırlar, 10 yanvar 2022-ci il.

5 / 15

Ralli - Mərhələ 7 - Ər-Riyad - Əl Dəvadimi, Səudiyyə Ərəbistanı, 9 yanvar 2022-ci il.

6 / 15

Fransız bayker Jan-Lu Lupan “Dakar 2022”-nin 2-ci mərhələsində yarışır, 3 yanvar 2022-ci il.

7 / 15

Çinli yarışçı Qoyu Çjan və onun çinli şturmanı Hunyu Pan “Dakar 2022”-nin beşinci mərhələsində yarışırlar, 6 yanvar 2022-ci il.

8 / 15

Səudiyyə Ərəbistanından olan pilot Yasir Seydan və rusiyalı şturman Aleksey Kuzmiç Səudiyyə Ərəbistanının Ciddə və Hail şəhərləri arasında “Dakar 2022” rallisinin 1A mərhələsində yarışırlar, 1 yanvar 2022-ci il.

9 / 15

Boliviyalı Daniel Jager Nosilla “Dakar 2022” rallisinin 8-ci mərhələsində yarışır, 10 yanvar 2022-ci il.

10 / 15

Ralli – 7-ci mərhələ - Ər-Riyad - Əl Dəvadimi, Səudiyyə Ərəbistanı - 9 yanvar 2022-ci il, “Toyota Gazoo Racing” komandasının pilotu Nasir Əl-Əttiyah və onun şturmanı Matye Baumel.

11 / 15

Mərhələ 4 - Əl Qaysuma - Ər-Riyad, Səudiyyə Ərəbistanı - 5 yanvar 2022-ci il, “Gck Motorsport”-dan Gerlen Çiçerit və şturman Aleks Vinokk.

12 / 15

Portuqaliyalı bayker Rui Qonsalves öz “Sherco”-sunda “Dakar 2022”-nin 1 B Mərhələsində, Hail şəhəri, 2 yanvar 2022-ci il.

13 / 15

Mərhələ 3 - Əl Qaysuma- Əl Qaysuma, Səudiyyə Ərəbistanı – “Ph-Sport”-dan Lionel Bod və şturman Jan-Pyier Qarsen.

14 / 15

İsveçli yarışçı Mattias Ekstrom Səudiyyə Ərəbistanının Əl-Dəvadimi və Vadi Əd-Dəvasir yaşayış məntəqələri arasında “Dakar 2022” rallisinin 8-ci mərhələsindəki qələbəsini qeyd edir, 10 yanvar 2022-ci il.

15 / 15

ABŞ-lı bayker Mason Kleyn Səudiyyə Ərəbistanının paytaxtı Ər-Riyad və Əl Dəvadimi arasında “Dakar- 2022” rallisinin 7-ci mərhələsində yarışır, 9 yanvar 2022-ci il.

“Dakar”ın səkkizinci mərhələsində yük maşınları sinfində bütün medalları Rusiyanın “KAMAZ-master” komandasının nümayəndələri qazanıblar.

Beləliklə, yarışın birincisi Dmitri Sotnikovun rəhbərlik etdiyi heyət olub. İkinci yeri Andrey Karginovun, üçüncü yeri isə Eduard Nikolayevin heyəti qazanıb. Yeri gəlmişkən, dördüncü yeri də Anton Şibalovun idarə etdiyi “KAMAZ” tutub. Ümumi sıralamada Sotnikovun komandası liderdir.

Hər il keçirilən "Dakar" ralli-reydi (uzun illər "Ralli Paris - Dakar" kimi tanınıb) 1979 ildən başlayaraq gerçəkləşdirilir.

2009-cu ildən 2019-cu ilə kimi ralli Cənubi Amerikada keçirilib. 2009-dan isə Seneqalın paytaxtı Dakarda başlayıb. 2020-ci ildən rallinin marşrutu Asiyada, Səudiyyə Ərəbistanı ərazisindən keçir.

Hazırda yarış beş sinif üzrə keçirilir: minik avtomobilləri, motosikletlər, kvadrosikllər, “Side-by-side” (UTV) moto-vezdexodları (UTV) və yük maşınları.

Qeyd edək ki, müxtəlif siniflər üzrə marşrutlar üst-üstə düşməyə bilər.