BAKI, 21 dekabr — Sputnik. Dövlət İmtahan Mərkəzi Vətən Müharibəsinə (İkinci Qarabağ müharibəsinə) dair yenilənmiş məqaləni təqdim edib.
Mərkəzdən Sputnik Azərbaycan-a verilən xəbərə görə, materiallar ödənişsizdir və hər kəs öz kompüterinə yükləyə bilər.
Məqalənin ilk çapından sonrakı dövrdə baş vermiş hadisələrin çoxu yeni redaktədə nəzərə alınıb.
Hazırda ümumtəhsil müəssisələrinin 11-ci siniflərində təhsil alanlar qeyd edilən mövzu haqqında istifadədə olan dərsliklərdən bilgilər almayıblar.
Mövzunun vacibliyi nəzərə alınaraq, 2022-ci ildə də II və III ixtisas qrupları üzrə qəbul imtahanlarında tarix fənnindən Qarabağ uğrunda Vətən müharibəsinə (İkinci Qarabağ müharibəsinə) dair istifadəsi nəzərdə tutulmuş tapşırıqlar bu material əsasında tərtib ediləcək.
Vətən müharibəsinə dair 2021-ci il "Abituriyent" jurnalının 2-ci sayında dərc edilmiş, həmçinin Dövlət İmtahan Mərkəzinin saytına yerləşdirilmiş məqalənin yeni redaktəsi ilə aşağıdakı keçidlər vasitəsilə tanış olmaq olar:
Qarabağ uğrunda Vətən müharibəsi (İkinci Qarabağ müharibəsi);
Oтечественная война за Гарабаг (Вторая Гарабагская война).