BAKI, 17 dekabr — Sputnik. Rusiyanın Qamaleya adına Milli Epidemiologiya və Mikrobiologiya Tədqiqat Mərkəzinin rəhbəri Aleksandr Gintsburq koronavirusun omikron-ştammından tam qorunmağın mümkün olduğunu açıqlayıb. Sputnik Azərbaycan Rusiya mediasına istinadən xəbər verir ki, bu barədə cümə günü, dekabrın 17-də "TASS" İnformasiya Teleqraf Agentliyi qeyd edib.
Onun sözlərinə görə, "Sputnik V" ilə peyvənd və altı aydan sonra eynikomponentli "Sputnik Light" preparatı ilə təkrar peyvənd olunmaq omikron ştammına qarşı tam qorunmanı təmin edir.
Xatırladaq ki, Rusiyanın Birbaşa İnvestisiya Fondu həmçinin bildirib ki, "Sputnik V" koronavirusuna qarşı yerli dərman antitellərin omikron ştammına qarşı davamlı neytrallaşdırıcı reaksiyaya səbəb olur və xəstəliyin ağır hallarından qoruyur.
Koronavirusun "omikron" ştammının yüngül olduğunu söyləmək məsuliyyətsizlikdir, məsələn, bu virusun yaşlı insanlara necə təsir edəcəyi barədə heç bir məlumat yoxdur. Bunu bir müddət əvvəl Qamaleya Mərkəzinin sədr müavini Denis Logunov deyib.
"Bunun yüngül ştamm olduğunu bəyan etmək məsuliyyətsizlikdir", - deyə yeni koronavirus infeksiyası və digər yoluxucu xəstəliklərlə mübarizə ilə bağlı Loqunov Beynəlxalq Elmi-Praktik konfransında bildirib.
O əlavə edib ki, yaşlı və immuniteti olmayan insanlar da var ki, bu ştammın onlara necə təsir edəcəyi hələ məlum deyil.
Kliniki Tibbi Mərkəzinin infeksionisti Fərrux Sədirov isə qeyd edib ki, "Omicron"un canlı peyvəndi ilə bağlı araşdırmaların başa çatmasını gözləmək lazımdır: "Omicron"un digər ştamlardan daha yüngül xəstəlik yaratdığına dair hələ ki, nəticələr yoxdur. Canlı peyvənd o deməkdir ki, yəni, bu xəstəliyi yüngül keçirməklə artıq virusa qarşı immun cavab yaranmış olur. Hələ ki, bununla bağlı araşdırmalar yekunlaşmayıb".
Həmçinin oxuyun:
Koronavirusun "Omikron" ştammı nə qədər təhlükəlidir? İnfeksionist izah edir