BAKI, 14 dekabr - Sputnik. Kolumbiyadakı hava limanlarından birində güclü partlayış olub.
Sputnik Azərbaycan RİA Novosti-yə istinadən xəbər verir ki, hadisə Kolumbiyanın şimal-şərqində, Venesuela ilə sərhəddəki Kukuta hava limanında baş verib.
"Güclü partlayış üzündən Kukuta hava limanında uçuşlar dayandırılıb. Hadisə nəticəsində bəzi binalara ziyan dəyib", - deyə yerli Caracol telekanalı xəbər verib.
Kanalın məlumatına görə uçuş-enmə zolağında əlində partlayıcı olan şəxsin olduğu müşahidə edilib.