BAKI, 9 dekabr — Sputnik. "İnstagram" sosial şəbəkəsi 2022-ci ilin birinci rübündə xronoloji lent versiyasına qayıtmağı planlaşdırır. Bu barədə şirkətin rəhbəri Adam Mosseri ABŞ Senatında keçirilən dinləmələrdə bildirib.
"İnstagram" 2016-cı ildə xronoloji lent əvəzinə alqoritmik lentə keçib. Ancaq istifadəçilərin bu yeniləməyə reaksiyası hələ də qeyri-müəyyən olaraq qalır. ABŞ Senatı qarşısında çıxışı zamanı istifadəçilər sosial şəbəkə rəhbərinə "alqoritmlərlə manipulyasiya etmədən" "İnstagram"dan istifadə edə bilmələri barədə sual veriblər.
"Hazırda biz gələn il istifadəyə verməyə ümid etdiyimiz xronoloji lentin versiyası üzərində işləyirik... Mən indi konkret bir ayı söyləmək istərdim, ancaq biz hələlik gələn ilin birinci rübünə köklənmişik", - deyə Mosseri bildirib.
O, həmçinin qeyd edib ki, sosial şəbəkə artıq bir neçə ildir ki, istifadəçilərə tətbiqdən istifadə üzərində daha çox nəzarətin verilməsinin müxtəlif yollarını sınaqdan keçirir.
Mosseri digər ideyalar arasında "seçilmiş" funksiyasını vurğulayıb. Onun köməyi ilə istifadəçilər xəbər lentində ilk görünəcək akkauntunu seçə bilərdilər.
"İnstagram" foto və videoları sosial şəbəkənin elementləri ilə paylaşmaq üçün pulsuz proqramdır ki, bu da foto və video çəkməyə, onlara filtrlər tətbiq etməyə, həmçinin öz xidmətinizi sosial şəbəkələr vasitəsilə yaymağa imkan verir. Meta şirkətinə məxsusdur.