BAKI, 8 dekabr — Sputnik. Rusiyanın Su-27 qırıcı təyyarələri Qara dəniz üzərində Rusiya sərhədlərinə yaxınlaşmaq istəyən Fransanın "Rafal" və "Miraj" hərbi təyyarələrini izləyib. Sputnik Azərbaycan bu barədə "RİA Novosti"yə istinadla xəbər verir.
Qeyd olunub ki, dekabrın 8-də Rusiya Milli Müdafiə İdarəetmə Mərkəzi Qara dənizin neytral suları üzərində uçuş edən Fransa təyyarələrini aşkar edib:
"Hava hədəflərinin müəyyən edilməsi və Rusiya Federasiyasının dövlət sərhədinin pozulmasının qarşısının alınması üçün Cənub Hərbi Dairəsinin hava hücumundan müdafiə qüvvələrinə məxsus Su-27 qırıcıları havaya qaldırılıb.
Rusiya qırıcılarının ekipajları hava hədəflərini iki taktiki "Mirage-2000" və "Rafale" qırıcıları, həmçinin Fransa Aerokosmik Qüvvələrinə məxsus C-135 yanacaqdoldurma təyyarəsi olduğunu müəyyən edib, onları Qara dəniz üzərində müşayiət ediblər.
Məlumatda o da qeyd olunub ki, xarici hərbi təyyarələrin Rusiya Federasiyasının dövlət sərhədinə yaxınlaşmasının qarşısı alındıqdan sonra rus qırıcıları aerodroma qayıdıb,
Rusiya qırıcılarının uçuşları hava marşrutlarının tələblərini pozmadan və xarici dövlətlərin təyyarələri ilə təhlükəli yaxınlaşmadan neytral sular üzərində beynəlxalq qaydalara uyğun olaraq həyata keçirilib.
Həmçinin oxuyun:
Rusiya və Misir Aralıq dənizində hərbi təlimlər keçirir
ABŞ HDQ-nin esminesləri Ukrayna uğrunda döyüşməyə hazırdırmı?