BAKI, 4 dekabr — Sputnik. "Bakı Metropoliteni" Qapalı Səhmdar Cəmiyyətində şübhəli şəxs saxlanılıb. Daxili İşlər Nazilriyindən Sputnik Azərbaycan-a verilən məlumata görə, metropolitenin polis şöbəsinin əməkdaşları tərəfindən dekabrın 1-nə keçən gecə Səbail rayonu ərazisindəki kafelərin birindən pul oğurlamaqda şübhəli bilinən şəxs saxlanılıb.
Həmin şəxs Bərdə rayon sakini K.Fərzəliyevdir.
Ətrafında aparılan əməliyyat tədbirləri ilə onun dekabrın 2-nə keçən gecə metronun "Koroğlu" stansiyasında yerləşən bir aptekdən 300 manat pul oğurlaması da müəyyən edilib.