BAKI, 2 dekabr - Sputnik. Dünən gecə saatlarında Qubanın dağlıq kəndi olan Zıxır yaşayış məntəqəsində modul tipli məktəbdə yanğın baş verib.
Hadisənin səbəbləri ilə bağlı Sputnik Azərbaycan-ın bölgə müxbiri Quba Rayon Təhsil şöbəsinin müdiri Rüfət Hacıyev ilə əlaqə saxlayıb.
Qubada yanmış məktəbin binası
© Sputnik / Leyla Abdullayeva
Onun sözlərinə görə, yanğın dünən gecə saatlarında baş verib, 240 kv metrlik bina tapamilə yanıb:
"Hadisə dünən gecə saatlarında baş verib. Bina 2019- cu ildə istifadəyə verilmişdi. Təəssüflər olsun ki, bina tamamilə yanıb yararsız vəziyyətə düşüb. Modul tipli məktəbdə 24-dən artıq şagird təhsil alırdı. Artıq biz məcbur olub uşaqları köhnə məktəb binasına köçürdük. Bu gün binaya odun sobaları yerləşdirdik ki, uşaqlar təhsillərinə davam edə bilsinlər".
Qubada yanmış məktəbin binası
© Sputnik / Leyla Abdullayeva
Qeyd edək ki, yanğın dərsdən əvvəl baş verdiyindən xəsarət alan olmayıb.