BAKI, 23 noyabr - Sputnik. Ermənistan və Azərbaycan arasında müdafiə nazirləri səviyyəsində birbaşa operativ əlaqə qurulub. Sputnik Armenia-nın xəbərinə görə, bunu Ermənistanın baş naziri Nikol Paşinyan Facebook vasitəsilə birbaşa efir zamanı KİV-lərin suallarını cavablandırarkən deyib.
"Avropa Birliyi sədri ilə telefon danışıqları zamanı (İlham Əliyevlə görüşə dair) daha bir təşəbbüs ortaya çıxıb. Söhbət müdafiə nazirləri arasında birbaşa əlaqədən gedir. Məqsəd insidentlərin qarşısının alınmasıdır", — deyə Paşinyan bildirib.
Paşinyanın sözlərinə görə, o şəxsən bu təşəbbüsü şəxsən dəstəkləyib və bunun bölgədə sabitliyin bərqərar olmasına kömək edəcəyinə ümidvar olduğunu vurğulayıb.
"Deyə bilərəm ki, bu cür əlaqə artıq qurulub. Mən bunu qiymətləndirirəm. Bu, çox vacibdir", — deyə paşinyan bildirib.
Daha sonra Paşinyan əvvəllər Ermənistan və Azərbycan müdafiə nazirləri arasında bu cür əlaqənin lmadığını söyləyib:
"Bu ilk dəfədir. Əlaqə qurulub və mən Azərbaycan Prezidentinin bu qərarını qiymətləndirirəm. Bu operativ əlaqənin nə dərəcədə effektiv olmasını zaman göstərəcək", deyə Ermənistan baş naziri bildirib.