BAKI, 5 noyabr - Sputnik. “Azərxalça” ASC-nin İdarə Heyətinin sabiq sədri Vidadi Muradov vəfat edib.
Sputnik Azərbaycan bildirir ki, bu barədə APA məlumat yayıb. Bildirilir ki, onkoloji xəstəlikdən əziyyət çəkən sabiq sədr bu gün dünyasını dəyişib.
Qeyd edək ki, Korrupsiyaya Qarşı Mübarizə İdarəsi tərəfindən keçirilən əməliyyatla həbs edilən V.Muradovun barəsindəki həbs qətimkan tədbiri bir neçə gün əvvəl dəyişdirilərək müalicəsinə şərait yaradılmışdı.
Qeyd edək ki, V. Muradov Sabunçu Rayon Polis İdarəsinin rəisi Cavid Muradovun atasıdır.