Son zamanlar yerli filmlərə tələbat hiss olunur. Ancaq çox vaxt problemlər yaradıcı qrupların öz planlarını böyük ekranlara daşımalarına mane olur. Mütəxəssislər bildirirlər ki, bu daha çox yerli filmlərin prodüserliyində problemlərlə əlaqədardır.
Bəzi tanınmış rejissor və aktyorların fikrincə, ölkədə peşəkar prodüser mərkəzlərinin kəskin çatışmazlığı keyfiyyətli kino və sənədli filmlərin istehsalı baxımından daha da böyük problemlər yarada bilər. Və bu problemlərin əksəriyyəti istehsal olunan məhsulların keyfiyyəti ilə bağlıdır.
Bu problemlərin necə həll olunması, müasir istehsal prosesi çərçivəsində filmlərin hazırlanması üçün qarşılıqlı əlaqə mexanizminin necə qurulmasının gərəkdiyi barədə tanınmış azərbaycanlı rejissor Amil Amal və prodüser İntiqam Hacılı noyabrın 11-də saat 12:00-da Sputnik Azərbaycan multimedia mətbuat mərkəzinin mətbuat konfransında məlumat verəcəklər.
Spikerlərə suallarınızı öncədən i.velizade@sputniknews.com elektron ünvanına göndərə bilərsiniz.
Tədbir Sputnik Azərbaycan-ın "Facebook" səhifəsində canlı yayımlanacaq.
Əlaqə:
Telefonlar: 404-13-84/85
Sputnik Azərbaycan multimedia mətbuat mərkəzinin ünvanı: Mətbuat pr., məh.529, bina 23, mərt.4.