Dia de Muertos: Latın Amerikası Ölülər Gününü qeyd edir

Hər ilin oktyabr ayının sonu, noyabr ayının əvvəlində Latın Amerikasında, əsasən də Meksika, Qvatemala, Honduras və Salvadorda Ölülər günü qeyd edilir.

İspanca “Día de Muertos” adlanır.

Bayramın adına baxmayaraq, həmin gün heç bir bəd hadisə baş vermir.

Ölkə sakinləri ölü kimi geyinərək bəzənir. Minlərlə insan özünü ölüyə bənzədərək küçələrə axışır.

Bu bayramın tarixi isə ispanlara qədərki tarixi əhatə edir. Qədim asteklərin dövründə bayramda baş fiqur "Miktlantekuli" adlı Cənab Ölü hesab olunurdu.

Hellouindən fərqli olaraq, “Ölülər günü” adamları qorxutmurlar.

Burada olan skeletlər ölənlərə işarədir. İnanclara görə, gerçək ölüm unudulduğunda olur, festivalın məqsədi də məhz ölənlərin unudulmamasını təmin etməkdir.

Vəfat etmiş insanları xatırlamaq üçün şəkərdən kəllə və digər bəzək-düzək, ölənlərin sevdiyi qoxuların, süsləmələrin olduğu qurbangahlar hazırlanır.

İnsanlar ölü kimi geyinərək bəzənir, nağıllarda olan ölü qəhrəmanların kostyumlarını geyərək şəhərin küçələrinə çıxırlar.

Hətta yaxınlarını yad etmək üçün qəbristanlığa gedənlər bu mərasimi yasdan şənliyə çevirirlər.

Hesab edilir ki, həmin günlərdə hər kəs ölüsünə mümkün qədər çox sevinc bəxş etməlidir, elə buna görə də qəbirlərə məxmər gülünün ləçəkləri qoyulur.