BAKI, 29 oktyabr — Sputnik. Deputat Fazil Mustafa şəhidlərin bacı və qardaşlarına ev və ya müavinət verilməsini təklif edib.
Sputnik Azərbaycan-ın məlumatına görə, Milli Məclisin bu gün keçirilən plenar iclasında deputat Fazil Mustafa bildirib ki, çox az sayda şəhidin ata-anası yoxdur. Ancaq həmin şəhidlərin himayəsində bacı və qardaşları var idi: “Onlar çox az saydadır. Bu gün mənzil, aylıq 500 manat müavinət onlara şamil edilmir. Onlar bunu haqq edirlər. Şəhidlərin taleyini düşünürək onların bacı-qardaşlarına da diqqət ayrılması yaxşı olardı”.
Qeyd edək ki, bu gün keçirilən Milli Məclisin iclasında 12 məsələ müzakirə edilir.