BAKI, 23 oktyabr - Sputnik. Fövqəladə Hallar Nazirliyi (FHN )Azərbaycanda 2021-ci ilin 9 ayı ərzində baş vermiş partlayış və yanğınlar barədə məlumat açıqlayıb. Sputnik Azərbaycan FHN-ə istinadən xəbər verir ki, cari il ərzində baş vermiş 57 partlayış nəticəsində 9 nəfər həlak olub, 54 nəfər xəsarət alıb və 7 nəfər xilas edilib.
Daha sonra məlumatda deyilir ki, bu il respublika ərazisində 1805 yanğın hadisəsi baş verib. Cari il baş verən yanğın hadisələri zamanı 24 nəfər həlak olub, 104 nəfər xəsarət alıb.