BAKI, 19 oktyabr — Sputnik. Ailə, Qadın və Uşaq Problemləri üzrə Dövlət Komitəsinin sədr müavini Sədaqət Qəhrəmanova Əmək və Əhalinin Sosial Müdafiəsi Nazirliyini zorakılıq törədən şəxslərlə bağlı iş aparmağa çağırıb. Sputnik Azərbaycan-ın xəbərinə görə, bunu "Məişət zorakılığı media müstəvisində" mövzusunda keçirilən təlimdə deyib.
Onun sözlərinə görə, həmin şəxslərin dəstəyə ehtiyacı var: "Çünki onların psixoloji problemləri mövcuddur. Bu məsələ ilə bağlı iş aparılmalıdır".
Sədr müavini bildirib ki, sivil boşanma formasını cəmiyyətə aşılamaq lazımdır: "Boşanandan sonra övladlarına aliment ödəməkdən boyun qaçıran kişilər var. Media bu adamları tapıb müsahibələr etməli, onlara doğru fikir aşılamalıdır".