BAKI, 4 oktyabr — Sputnik. Rezidenturaya qəbul olmaq üçün ixtisas seçimi başa çatır. Dövlət İmtahan Mərkəzindən Sputnik Azərbaycan-a verilən məlumata görə, namizədlər müsabiqədə iştirak etmək üçün 4 oktyabr saat 23:59‑dək eservices.dim.gov.az/erizerez/ixtisas1 internet səhifəsinə daxil olaraq ixtisas seçimi edə bilərlər.
Qeyd edək ki, ixtisas seçiminə rezidenturaya qəbul imtahanındakı nəticələri müsabiqə şərtini ödəyən – ixtisas fənləri üzrə biliklərin qiymətləndirilməsi imtahanında 50 və daha çox bal toplayan namizədlər buraxılırlar.
Xatırladaq ki, "Rezidentura" jurnalının 3-cü nömrəsində “Namizədin elektron ərizəsi”ndə ixtisasların seçimi və təsdiqi üçün təlimat, "Namizədin elektron ərizəsi"ndə ixtisas seçimi formasının nümunəsi, rezidenturaya qəbul aparılan ixtisaslar və onların plan yerləri də dərc edilib.
Bu nömrədə, həmçinin rezidenturaya qəbul imtahanının I mərhələsinin nəticələri, qəbul planının müqayisəli təhlili və namizədlər üçün tövsiyələr, 2020-ci ildә rezidenturaya qәbul müsabiqәsindә klinik bazaların ixtisasları üzrә formalaşan keçid balları da təqdim olunub.