BAKI, 4 oktyabr — Sputnik. Ölkə üzrə COVID-19 virusuna son yoluxma statistikası açıqlanıb. Sputnik Azərbaycan koronavirusinfo.az saytındakı sonuncu məlumatlara istinadən xəbər verir ki, paytaxtda yoluxma faizi 54.3 faizdən 54.2 faizə enib.
Sonrakı yerlərdə 13.4 faizlə Abşeron, 12.1 faizlə Aran, 7 faizlə Gəncə-Qazax, 3.6 faizlə Şəki-Zaqatala, 3 faizlə Quba-Xaçmaz, 2.5 faizlə Lənkəran, 2.3 faizlə Dağlıq Şirvan, 1.5 faizlə Yuxarı Qarabağ qərarlaşıb.
Ölkə üzrə ən aşağı yoluxma ənənəvi olaraq, Naxçıvan Muxtar Respublikasındadır. Buna baxmayaraq, Muxtar Respublikada yoluxma faizi ötən statistika ilə müqayisədə dəyişməz qalıb - 0.7 faiz.
Rəsmi məlumata görə, ölkə xaricində yoluxanlar ümumi yoluxanların 0.4 faizini təşkil edir.