Kitabsevərlərin bayramı: Yarmarkada kitaba dəxli olmayan şeylər də satılır

BAKI, 2 oktyabr — Sputnik. Əl Oyunları Sarayında Milli Kitab Sərgi-Yarmarkası açılıb.

Sərgidə Azərbaycan, türk, rus, ingilis, fransız və başqa dillərdə 50 mindən artıq yeni kitab nümayiş olunur.

Kitab sərgi-yarmarkasında qonaqları yazıçılarla görüş, yeni kitabların təqdimatı, naşirlər, kitab blogerləri ilə sessiyalar, musiqili proqramlar, yaradıcılıq gecələri, poeziya saatları və bu sahə ilə bağlı başqa maraqlı tədbirlər gözləyir.

Eləcə də, sərgi çərçivəsində sağlamlıq imkanları məhdud şəxslərin əl işləri və rəssamların əsərlərindən ibarət satış yarmarkası da təşkil olunub. Yarmarkada müxtəlif oyunlar, oyuncaqlar, dəftərxana ləvazimatları, dərs vəsaitləri satışa çıxarılıb.

Milli Kitab Sərgi-Yarmarkası oktyabrın 10-na kimi davam edəcək.

1 / 11

Azərbaycanda ilk Milli Kitab Sərgi-Yarmarkası açılıb.

2 / 11

Sərgi Bakı Əl Oyunları Sarayında keçirilir.

3 / 11

Sərgidə Azərbaycan, türk, rus, ingilis, fransız və başqa dillərdə 50 mindən artıq yeni kitab nümayiş olunur.

4 / 11

Kitab yarmarkasının təşkilatçısı "Qanun" nəşriyyatının direktoru Şahbaz Xuduoğludur.

5 / 11

Yarmarka çərçivəsində müxtəlif kitab və nəşriyyatların təqdimatları keçiriləcək.

6 / 11

Tədbirin əsas məqsədi oxucuların mütaliəyə marağını artırmaqla yanaşı, Azərbaycan ədəbiyyatının təbliği, eləcə də, yerli naşirlər arasında əməkdaşlıq imkanlarının artırılmasıdır.

7 / 11

Yarmarkada bütün kitablara 70 faiz endirim var.

8 / 11

Sərgi çərçivəsində sağlamlıq imkanları məhdud şəxslərin əl işləri və rəssamların əsərlərindən ibarət satış yarmarkası təşkil olunub.

9 / 11

Oxucular nəinki sevimli müəlliflərinin kitabını almaq, həm də onlarla görüşmək, ünsiyyətdə olmaq, avtoqraf götürmək və şəkil çəkdirmək imkanı qazanacaqlar.

10 / 11

Ziyarətçilər Birinci Milli Kitab Sərgi-Yarmarkasında.

11 / 11

Birinci Milli Kitab Sərgi-Yarmarkası öz işini oktyabrın 10-na kimi davam etdirəcək.