Azərbaycan Respublikası Müdafiə Nazirliyi ötən həftə paylaşılmış məlumatlarla bağlı videoçarx hazırlayıb.
Videoçarxda Azərbaycan, Türkiyə və Pakistanın xüsusi təyinatlı qüvvələrinin nümayəndələrinin iştirakı ilə keçirilən “Üç qardaş - 2021” beynəlxalq təlimindən kadrlar yer alıb.
Eyni zamanda kadrlarda "Texnofest-2021" festivalı çərçivəsində Azərbaycana məxsus qırıcı təyyarələrinin "Türk ulduzları" ilə birlikdə İstanbul boğazı üzərində göstərdiyi hava şouları əksini tapıb.
Qeyd edək ki, Azərbaycan Hərbi Hava Qüvvələrinin 2 ədəd “MiQ-29” qırıcı təyyarəsi uçuşları Türkiyə Hərbi Hava Qüvvələri donanmasından F-16, F-4 qırıcıları ilə birlikdə həyata keçirib.
Videoçarxda Azərbaycan ərazilərinin işğaldan azad edilməsi üçün keçirilən 44 günlük əks-hücum əməliyyatlarında şəhid olmuş qəhrəmanların ailələri ilə birlikdə Şuşada keçirilmiş tədbir də əksini tapıb.
Sputnik Azərbaycan Nazirliyin mətbuat xidmətinə istinadən həmin videoçarxı təqdim edir.
https://mod.gov.az/az/news/heftelik-icmal-serhsiz-19-09-2021-26-09-2021-video-37773.html